لە سنووری سەرگەڕان داعش هێرشی کردە سەر سەنگەرێکی سوپای عێراق
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

لە سنووری سەرگەڕان داعش هێرشی کردە سەر سەنگەرێکی سوپای عێراق

کەمێک پێش ئێستا تیرۆریستانی داعش لە سنووری ناحیەی سەرگەڕان هێرشیان کردە سەر سەنگەرێکی سوپای عێراق و شەڕ و پێکدادان بەردەوامە.

بەپێی زانیارییەکانی(باسنیوز) ئەمشەو لە سنووری ناحیەی سەرگەڕان-ی سەر بە پارێزگای کەرکووک و بە دیاریکراوی لە گوندی "سلێمان بەخشیان" تیرۆریستانی داعش هێرشیان کردووەتە سەر سەنگەرێکی سوپای عێراق و بە چەکی قوڕس شەڕ و پێکدادان لە نێوانیان دەستی پێکردووە.

شایەدحاڵێک لە نێو گوندی"لهێبان"ی کوردنشین کە سەر بە ناحیەی سەرگەڕانە تیرۆریستانی داعش تەنیا هێرشیان کردووەتە سەر چەند سەنگەرێکی سوپای عێراق لە گوندی" سلێمان بەخشیان" لە سنووری ناحیەی سەرگەڕان و هیچ هێرشێک بۆ سەر گوندی لهێبان نەبووە و هێزی پێشمەرگە لە گوندەکە جێگیرکراون.

بەپێی گوتەی ئەو شایەدحاڵە دانیشتووانی گوندی لهێبان گوێبیستی دەنگی مووشە و دۆشکەی شەڕی نێوان داعش و سوپای عێراقن و ماوەی کاتژمێرەکە شەڕەکە لەنێوان داعش و سوپای عێراق بەردەوامە بەڵام دۆخی گوندی لهێبان ئارامە.