چینییەكان بازاڕی گەشتوگوزاری جیهانیان لاواز كردووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

چینییەكان بازاڕی گەشتوگوزاری جیهانیان لاواز كردووە

ڕۆژنامەی "نیۆیۆرك تایمز"ی ئەمریكی راپۆرتێكی لەسەر لاوازبوونی كەرتی گەشتیاری لە جیهاندا بڵاو كردووەتەوە، ئاماژەی بەوە داوە ئەوەی دووبارە وای كردووە كە كەرتی گەشتیاری بەرەو كزبوونەوە بچێت، ڤایرۆسە تازەكە (ئۆمیكرۆن) نییە، بەڵكو گەشت نەكردنی گەشتیاری چینیە بۆ وڵاتی جیهان.

ڕۆژنامەكە نووسیویەتی گەشتیارە چینییەكان زیاتر لە هەموو گەشتیارانی جیهان ئارەزووی گەشتكردن دەكەن، بۆیە ئێستا كە دەرگای سنوورەكانی چین ئەستەم بووە بۆ گەشتكردن، شەقامەكانی ئەورووپا و ئاسیاش خاڵین لە گەشتیاری چینی.

بە پێی ئامارێكیش كە ڕۆژنامەكە بڵاوی كردووەتەوە، تەنها لە ساڵی 2019 گەشتیاران بڕی 260 ملیار دۆلاریان لە گەشتكردن خەرج كردووە.

جێی باسە شارەزایان پێیان وایە گەشتیارانی چین پێویستیان بە دوو ساڵی دیكە هەیە تاوەكو بەشێوەیەكی ئاسایی و وەكو جاران گەشتەكانی خۆیان دەست پێبكەنەوە.