لیزا كاكەیی: پێویستە بەزووترین كات میلیشیا و گرووپە چەكدارییەكانی حەشد و پەكەكە لە شنگال دەربكرێن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

لیزا كاكەیی: پێویستە بەزووترین كات میلیشیا و گرووپە چەكدارییەكانی حەشد و پەكەكە لە شنگال دەربكرێن

"حەشد و پەكەكە ژمارەیەك داعشیان لە سووریا ئازاد كردووە تا بۆ تەعریبكردنی كوردستان بەكاریان بێنن"

ئەمڕۆ هەینی لیزا كاكەیی پەرلەمانتاری كوردستان لە فراكسیۆنی پارتی رای گەیاند كە بەبێ ئاساییکردنەوەی دۆخی شنگال ناتوانرێت جوڵەکانی داعش سنووردار بکرێ، بۆ ئەوەش پێویستە هەرچی زوو میلیشیا و گرووپە چەكدارییەكانی حەشد و پەكەكە لە شنگال دەربكرێن.

لیزا كاكەیی لە وتارێكدا بەپێویستی دەزانێت هەرچی زووە سەرجەم میلیشیا و گروپە نایاساییەکان وەدەربنرێن و سوپای عێراق و پێشمەرگە لەو شوێنانە جێگیر بکرێن، ئەو گرووپە چەکدارانەی لەژێر ناوی حەشد و پەکەکەن شەنگالیان کردووەتە پێگەیەکی موخابەراتی و رێخۆشکەرن بۆ هاتنی داعش لە سووریاوە بۆ عێراق و ئەمەش هۆکاری یەکەمە لە چالاککردنەوەی شانەکانی داعش و دروستبوونی بۆشایی ئەمنی لە هەندێک سنووری ناوچە جێناکۆکەکان.

دەشڵێ بەپێی هەندێک سەرچاوەی هەواڵگری سەربازی ماوەیەک پێش ئێستا لەسەر داوای گرووپگەلێکی ناو حەشدی شەعبی سەرانی قەندیل داوایان لە هێزەکانی سووریای دیموکرات کردووە کە ئەو گیراوە داعشە عێراقیانەی لایانن، ئازاد بکرێن و تەسلیم بە هۆزە عەرەبەکان بکرێنەوە.

بەگوێرەی زانیارییەکانی ئەو پەرلەمانتارە، ژمارەیەکی زۆری ئەو داعشانە ئازاد کراون و گەڕاونەتەوە عێراق و گومان دەکرێت لەمەودوا وەکو چەکی تەعریب بەکاربهێنرێن و لەرێگەی جموجۆڵەکانیانەوە کوردنشینەکان ناچار بە چۆڵکردنی ناوچەکانیان بکرێن و لەبری ئەوان عەرەبی هاوردە جێگیر بکرێن.

لیزا كاكەیی لە كۆتاییشدا ئاماژەی بەوە داوە كە ئەم هەوڵە لەرزۆکەشیان بۆ ناڕواتەسەر و لە ئایندەدا هەنگاوێکی سەربازی وا دەنرێت کە ئەم خەونەشیان وەک خەونی 16ی ئۆکتۆبەر لە گۆڕ دەنرێت.