گوتەبێژی حکوومەتی هەرێمی کوردستان راگەیەندراوێکی سەبارەت بە هێرشەکەی دوێنێ شەوی داعش بڵاو کردەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

گوتەبێژی حکوومەتی هەرێمی کوردستان راگەیەندراوێکی سەبارەت بە هێرشەکەی دوێنێ شەوی داعش بڵاو کردەوە

د.جووتیار عادل، گوتەبێژی حکوومەتی هەرێمی کوردستان رایدەگەیەنێت بۆ رێگریکردن لە هێرشە بەردەوامەکانی تیرۆرستانی داعش لە ناوچە کوردستانییەکانی دەرەوەی ئیدارەی هەرێمی کورستان و پڕکردنەوەی بۆشایی ئەمنی لەو ناوچانە، پێویستە حکوومەتی فیدڕاڵی عێراق هاوئاهەنگی و کاری هاوبەشی زیاتر لەگەڵ هێزی پێشمەرگەی کوردستان بکات.

لە راگەیەندراوەکەدا هاتووە "شەوی ڕابردوو تیرۆرستانی داعش هێرشێکی ترسنۆکانەیان بۆ سەر هاوڵاتییانی گوندی خدر جیجەی بناری چیای قەرەچووخ ئەنجام دا، بەداخەوە لەو هێرشەدا چەند هاووڵاتییەکی گوندەکە شەهید بوون و لە کاتی بەهانەوە چوون و ڕاوەدوونانی تیرۆرستانیش، ژمارەیەک پێشمەرگەش شەهید و برینداربوون".

گوتەبێژی حکوومەتی هەرێمی کوردستان دەشڵێ: "ئێمە بە توندی سەرکۆنەی ئەو هێرشە ترسنۆکانە دەکەین و سەرەخۆشی لە کەسوکار و بنەماڵەی ئەو خەڵکە سڤیلە و شەهیدە قارەمانانەش دەکەین و هیوای زوو چاکبوونەوە بۆ بریندارەکان دەخوازین".

د. جووتیار عادل لە راگەیەندراوەکەدا ئاماژەی بە ئەوەش داوە: "دووپاتی دەکەینەوە کە بۆ رێگری کردن لە هێرشە بەردەوامەکانی تیرۆرستانی داعش لە ناوچە کوردستانییەکانی دەرەوەی ئیدارەی هەرێمی کورستان و پڕکردنەوەی بۆشایی ئەمنی لەو ناوچانە، پێویستە حکومەتی فیدڕاڵی عێراق هاوئاهەنگی وکاری هاوبەشی زیاتر لەگەڵ هێزی پێشمەرگەی کوردستان بکات و حکومەتی هەرێمی کوردستانیش ئامادەیی تەواوی خۆی دەربڕیوە و دەردەبڕێت لەو بوارەدا".