لە سنووری خورماتوو بەهۆی دوو رووداوی هاتوچۆ شەش كەس گیانیان لەدەستدا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

لە سنووری خورماتوو بەهۆی دوو رووداوی هاتوچۆ شەش كەس گیانیان لەدەستدا

 

ئێوارەی ئەمڕۆ پێنجشەممە، لە سنووری شاری خورماتوو، بەهۆی دوو ڕووداوی هاتوچۆوە شەش كەس گیانیان لەدەستدا.

لەمبارەیەوە زەنون بەرزنجی، گوتەبێژی هاتوچۆی خورماتوو، بە (باسنیوز)ی ڕاگەیاند: "ئێوارەی ئەمڕۆ پێنجشەممە 2/12/2021، لە سەر ڕێگەی نێوان خورماتوو - داقووق، پێكدادان لە نێوان ئۆتۆمبێلێكی جۆری پیكاب تۆیۆتا و بارهەڵگرێك ڕوویدا و پاشان پیكابەكە وەرگەڕا، لە ئەنجامی ئەو رووداوەی هاتوچۆ پێنج كەس كە لەناو پیكابەكە بوون و ئەندامی یەك خێزانن گیانیان لەدەستدا".

گوتیشی: "هەر ئەمڕۆ لە سەر هەمان ڕێگەرڕووداوێكی تری هاتوچۆ لە نێوان ئۆتۆمبێلێكی جۆری هوندای ئەلانترا و ماتۆڕسكیلێك ڕوویدا، بەداخەوە شۆفێری ماتۆڕسكیلەكە گیانی لەدەستدا و چوار سەرنشینی ناو ئۆتۆمبێلەكەش برینداربوون".