كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ل دهۆکێ سەدان دەرفەتێن کارى بۆ قۆتابێن دەرچوى هاتنە راگەهاندن

ئەڤرۆ ل زانکۆیا پۆلیتەکنیکى یا دهۆکێ ب پشتەڤانیا دوو رێکخراوێن بیانى، سەدان دەرفەتێن کارى بۆ قۆتابیێن دەرچوویێن زانکۆ و پەیمانگەهان هاتنە راگەهاندن.

د. ئارى عادل، سەرۆکا زانکۆیا پۆلیتەکنیکى یا دهۆکێ بۆ (باسنیوز) دیارکر: "ئەڤرۆ ل زانکۆیا پۆلیتەکنیکى یا دهۆکێ ب هەڤکاریا دوو رێکخراوێن وەلاتێ نەرویج پێشانگەهەکا کارى هات راگەهاندن کۆ 70 کۆمپانى تێدا پشکداربوون و سەدان دەرفەتێن کارکرنێ دێ بۆ دەرچوویێن زانکۆ و پەیمانگەهان هێنە راگەهاندن".

سەرۆکا زانکۆیا پۆلیتەکنیکى یا دهۆکێ دۆپات ژى کر: "د ڤێ پێشانگەهێ دا دەرفەتێن خۆلێن راهێنان و دەرفەتێن کارى بۆ دەرچوویان هێنە راگەهاندن و د هەمان دەمدا قۆتابیێ ژ زانکۆیان دەربچیت، دڤێت بتنێ پالپشتیێ ل سەر حکومەتا هەرێما کوردستانێ نەکەت، بەلکو دڤێت ب رێکا ڤان کۆمپانى و رێکخراوان دەلیڤە بۆ گەنجان بهێنە راگەهاندن".

گۆتژى:"ئەڤرۆ 90 دەرفەتێن کارى هاتنە راگەهاندن و هەر قۆتابیەکێ دەرچویێ زانکۆ و پەیمانگەهان بیت دشێت سیڤیێ خۆ پێشکێشى وان کۆمپانیا بکەت بۆ وەرگرتنا دەرفەتەکا کارکرنێ".