300 هەزار دار و گوڵ لە هەولێر دەچێندرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

300 هەزار دار و گوڵ لە هەولێر دەچێندرێت

 بەڕێوەبەری پارک و ئەندازەکانی هەولێر ئاشکرای دەکات، لە ماوەی هەڵمەتی چاندنی دار تواندراوە ئەمساڵ 300 هەزار گوڵ و دار لە هەلێر بچێندرێت.

ڕێبین ئەحمەد، بەڕێوەبەری بەڕێوەبەرایەتیی پارک و ئەندازەکانی هەولێر بە (باسنیوز)ی ڕاگەیاند: " ئەمساڵ لە هەولێرو دەوروبەری و لە مەخموور و كۆیە و كەڵەك 100هەزار دار و 200 هەزار گوڵمان چاندووە".

ئاماژەی بەوەش دا، بەگشتی ئەو 300 هەزار دار و گوڵەی چێندراوە، بەرهەمی ناوخۆیی نەمامگەكان بووە، "ئەو دارو نەمامانەی دەچێندرێن، بەرهەمی نەمامگە خۆماڵییەكانە، لە نەمامگەكانی ئەندازەی پاركەكان ساڵانە نزیكە 200 هەزار دار و گوڵ بەرهەمدەهێنین و ساڵانەش ژمارەیەكی زۆر دار و نەمام گوڵ دەچێندرێن".

جەختی كردەوە، ساڵی رابردوو وێڕای قەدەغەی هاتوچۆ، هەزاران دار و گوڵیان چاندووە، "قەدەغەی هاتوچۆ وای نەکرد ئێمە بووەستین، بەڵکوو سەرەتا 60 هەزار گوڵ و دارمان چاند و دواتر گەیشتە پلانی کۆتایی بووە 100 هەزار دار و گوڵ".

ڕێبین ئەحمەد، ڕاشیگه‌یاند، کە ئەوەی دەكرێت بە مەبەستی زیاتر بایەخدانە بە سەوزایی و شەقام و دوورگەی ناوەندی و پارکەکان " ئامانجی ئێمە لەو کارە زیادکردنی ڕێژەی سەوزایی و پاککردنی هەوا و جوانکردنی شارە".

بە گشتی چوار جۆر دار و لەگەڵ پێنج جۆر گوڵ لە كاتی هەڵمەتەكانی چاندنی دار و نەمام بەكار هاتوون.

No description available.

No description available.

 

No description available.