كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

بەغدا.. هاووڵاتییەکی رفێندراو ئازاد دەکرێت

 

هاووڵاتییەکی رفێندراو لە بەغدای پایتەختی عێراق ئازاد دەکرێت.

ئەمڕۆ چوارشەممە 1-12-2021، وەزارەتی ناوخۆی عێراقی رایگەیاندووە: ژنێک هەواڵی رفاندنی کوڕەکەی بە پۆلیس داوە و گوتویەتی، ”رفێنەرەکە داوای پارە دەکات“.

هەروەک وەزارەتی ناوخۆی عێراق رایگەیاندووە: هێزەکانیان توانیویانە کەسە رفێنەرەکە لە ناوچەی ئەعزەمییە دەستگیر بکەن و کەسە رفێندراوەکەش ئازادبکەن.

لە بەغدا و شارەکانی دیکەی عێراق، دەیان میلیشیای چەکداریی توندڕەو، تاوانکاری و تائیفی بڵاو بوونەتەوە و کار بۆ بەرژەوەندیی لایەن و گرووپی جیاواز دەکەن.

یەکێکی دیکە لە هۆکارەکانی رفاندن، هەروەک لە هەواڵی ئازادکردنەکانیان دیارە، هەژاری و بێکاریی گەنجانی عێراقە، کە سەرەڕای دەوڵەمەندیی وڵاتەکەیان بە نەوت و زۆریی داهاتەکەی، بەهۆی بێپارەییەوە و بۆ دەستکەوتنی کەمێک پارە، خەڵک دەڕفێنن.