هەولێر.. لەژێر چاودێری مەسرور بارزانی یادی یادی نووسه‌ر و شاعیر (جه‌لال مه‌له‌كشا) کرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

هەولێر.. لەژێر چاودێری مەسرور بارزانی یادی یادی نووسه‌ر و شاعیر (جه‌لال مه‌له‌كشا) کرایەوە

 

به‌ چاودێری سه‌رۆكی حكوومه‌تی هه‌رێمی كوردستان، لقی هه‌ولێری یه‌كێتیی نووسه‌رانی كورد، یادی نووسه‌ر و شاعیری ناوداری کورد (جه‌لال مه‌له‌كشا)ی کردەوە.

ئێوارەی ئەمڕۆ یەکشەممە 28/11/2021، لە هۆڵی پێشه‌وا لەناو وه‌زاره‌تی رۆشنبیری و لاوان لەژێر چاودێری مه‌سرور بارزانی، سه‌رۆكی حكوومه‌تی هه‌رێمی كوردستان، بە ئامادەبوونی بنەماڵە و کەسوکاری جەلال مەلەکشا و نووسەر و شاعیر و هونەرمەندانی کورد یادی نووسه‌ر و شاعیری ناوداری کورد (جه‌لال مه‌له‌كشا)ی کرایەوە.

لەمیانی مەراسیمەکەدا پارێزگاری هەولێر رایگەیاند: "مەراسیمەکە لەسەر داوا پێشنیار و هەم لەژێر چاودێری مەسرور بارزانی، سەرۆکی حکوومەتی هەرێمی کوردستان بەڕێوەدەچێت".

گوتیشی: "هەولێر شانازی دەکات بەوەی ئەمرۆ مەراسیمێکی نیشتمانیانە بۆ قەڵێمێک ئازا بۆ بیرکردنەوەیەکی ئازا بۆ پیاوێکی توڕە و یاخی لە ستەم وەک کەسێکی شۆرشگێری ئازادیخواز ئەنجام دەدرێت".

هەروەها لەو یادكردنه‌وه‌یه‌دا سێ کتێبی تازەی شاعیر به‌ دیاری درانە ئاماده‌بووان، ئەوانیش بریتین لە:

1- زڕەی زنجیری وشە دیلەکان - کۆی بەرهەمە شیعرییەکانی جەلالی مەلەکشایە.
2- گوێژەڵ - چیرۆك، نووسینی مەحموود دەوڵەت ئابادی ـ وەرگێڕانی جەلالی مەلەکشا.
3- جه‌لالی مەلەکشا لە ئەدەبی کوردیدا ـ لێکۆڵینەوە ـ بەپێنووسی کۆمەڵە نووسەرێك.

جەلال مەلەکشا، شاعیر و نووسەری ناسراوی کورد ساڵی 1951 لە گوندی (مەلەکشان)ی سەر بە سنە لەدایک بووە و لە ماوەی شەش دەیەی ڕابردوودا بە شێوەیەکی کارا و چالاک لە مەیدانی ئەدەب و ڕۆژنامەنووسیی کوردیدا کاری کردووە و بە هەردوو زمانی کوردی و فارسی گەلێک شیعر و چیرۆکی بەپێزی نووسیوە و یەکێک لە شاعیرە نەتەوەیی و نیشتمانییەکانە و بە نەوەی دووەمی نوێکردنەوەی شیعری نوێی کوردی لە ڕۆژهەڵاتی کوردستان دێتە ئەژمار و دەورێکی کاریگەری لە بووژانەوەی شیعری کوردیدا گێڕاوە.

ئەو شاعیرە ناودارەی کورد پاش 69 ساڵ تەمەن و کێشانی ئازار و ئەشکەنجە و زیندان و چەرمەسەرییەکی زۆر، رۆژی 31/10/202 بە جەڵتەی دڵ کۆچی دواییکرد.