کتێبێک لە پێشانگەی سلێمانی کۆدەکرێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

کتێبێک لە پێشانگەی سلێمانی کۆدەکرێتەوە

 

ئەو کتێبەی کە کەسوکاری ئەنفالی نیگەران کردووه له پێشانگەی نێودەوڵەتی کتێب له سلێمانی کۆدەکرێتەوە.

وه‌زاره‌تی رۆشنبیری حكوومه‌تی هه‌رێمی كوردستان له‌ روونكردنه‌وه‌یه‌كدا بڵاویکردووەتەوە: "پاش ئەوەی لەلایەن یەکێتی نووسەرانی جینۆسایدی کوردستان، ئاگادارکراینەوە، کە کتێبێک لە پێشانگای نێودەوڵەتی کتێب لە شاری سلێمانی نمایشکراوە، بە ناوی (سلطان هاشم، ذاكرة الحروب وٲسرارها)، کە دیمانەیەکی درێژە لەگەڵ وەزیری بەرگری عێراق لە سەردەمی رژێمی بەعسی لەناوچوو، دیمانەکە لەزینداندا لەلایەن "د. علي السعدي" سازدراوە".

ئەوەش خراوەتە روو: "لە دیمانەکەدا ئەوەی کەسوکاری ئەنفالەکانی نیگەرانکردووە، نکۆڵی سوڵتان هاشمە لەوەی ئەنفال لەدژی خەڵکی سیڤیلی کوردستان ئەنجام درابێت، بەڵکو لەدژی هێزی پێشمەرگە بووە".

وەزارەتی رۆشنبیری ئاماژەی بەوەش داوە کە پاش ئاگادارکردنەوەی تیمی وەزارەتیان لەپێشانگاکە، ئەمڕۆ کتێبەکە لەناو وەشانخانەی (دار القنادیل للنشر و التوزیع) کۆکرایەوە.

هەروەها روونیشکراوەتەوە: "ئێمە لەوەزارەتی ڕۆشنبیری و لاوان وەک ئەرکی خۆمان بەرامبەر بە مێژوو و فەرهەنگی گەلەکەمان رێگەنادەین هیچ شتێک کە مێژووی گەلەکەمان بشێوێنێت، بڵاوبکرێتەوە".