كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ب وێنە.. ل دهۆكێ جهه‌كێ شینوارى سه‌دان ده‌لیڤێن كارى په‌یداكرنه‌

ل سنوورێ پارێزگه‌ها دهۆكێ، جهه‌كێ كه‌ڤن یێ شینوارى، بوویه‌ ئه‌گه‌ر سه‌دان ده‌لیڤێن كارى بهێنه‌ ئاماده‌كرن وگه‌نج ل وى جهى كار بكه‌ن.

د.بێكه‌س بریفكانى، رێڤه‌به‌رێ شینوارێن پارێزگه‌ها دهۆكێ بۆ( باسنیوز) دیاركر:" ب هه‌ڤكاریا رێكخراوا ACTED یا وه‌لاتێ فه‌ره‌نسا، و د هه‌مان ده‌مدا ب سه‌رپه‌رشتیا رێڤەبەریا شینوارێن دهوکێ، کارێ سەخبێرکرنا جهێ خەنەس یێ شینواری سەر ب قەزا شێخان بۆ ده‌ما دو رۆژان دەست پێکریه‌ كۆ رێكخراوا ناڤبرى و UNDP بەرنامێ پەرەپێدانێ یێ نەتەوەیێن ئێگرتی و هەمی تێچویا ڤی پرۆژەی ب ستویێ خوڤە گرتیە".

رێڤه‌به‌رێ شینوارێن پارێزگه‌ها دهۆكێ ته‌كه‌ز ل سه‌ر وێ چه‌ندێ ژى كر:" ئەڤ پروژەیە دێ بۆ ده‌مێ دو هه‌یڤان بەردەوام بیت 40 روژێن کاری ل سه‌ر وى پرۆژه‌ى هێنه‌ ئه‌نجامدان".

دووپات ژى كر:" ب رێكا ڤى پرۆژه‌ى و ڤى كارى 140 کرێکار مفادار بوونه‌ كۆ ١٣٠٠٠ مه‌ترێن دووجا یێن جهى دێ هێنه‌ پاقژكرن".

گۆتژى:"ل سه‌ر ڤى پرۆژه‌ى چه‌ندین كارێن دیتر دێ هێنه‌ ئه‌نجامدان مینا نوژەنکرنا بنکە و برێڤەبرن و سەخبیرکرنا شینوارێن خەنەس و دابین کرنا پتر ژ 10 جهێن رینشتنێ و سەخبێرکرنا 5 ژ جهێن رینشتنێ و سەخبێرکرنا دەرگەهێ سەرەکی و کارەبێ و دانانا روناهییێ و ژڤانه‌ چه‌ندین كارێن دیتر بهێنه‌ ئه‌نجامدان و هیڤیا مه‌ خزمه‌تكرنه‌ د بیاڤێ شینواریێ دا".