ڕێکخراوێکى نەرویجى بە بەهای زیاتر لە ٢٠٠ هەزار دۆلار دەرمان دەگەیەنێتە هەڵەبجە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ڕێکخراوێکى نەرویجى بە بەهای زیاتر لە ٢٠٠ هەزار دۆلار دەرمان دەگەیەنێتە هەڵەبجە

ڕێکخراوى دەستپێشخەرى پشتیوانى و هاوکاریى پزیشکیى نەرویجى (Main)، سەردانى پارێزگاى هەڵەبجەی کرد و بە بەهاى زیاتر لە ٢٠٠ هەزار دۆلار، دەرمانی پێشکەش بە تەندروستیى ئەو شارە کرد.

ئازاد تۆفیق، پارێزگارى هەڵەبجە، لە پرێس کۆنفرانسێکدا کە پەیامنێرى (باسنیوز) تێیدا ئامادە بوو، ڕایگەیاند: "ئەمڕۆ، چوارشەممە 27/10/2021، شاندی ڕێکخراوى دەستپێشخەرى پشتیوانى و هاوکاریى پزیشکیى نەرویجى (Main)، سەردانى دیوانى پارێزگاى هەڵەبجەی کرد و بە بەهاى زیاتر لە ٢٠٠ هەزار دۆلار، دەرمانیان هێناوە و پێشکەشى بەڕێوەبەرایەتیى گشتیى تەندروستیى هەڵەبجەى دەکەن".

پارێزگارى هەڵەبجە گوتیشى: ''ئەم ڕێکخراوەیە لە ساڵى ٢٠١٥وە کارەکانی لە پارێزگاى هەڵەبجە چڕ کردووەتەوە و لە بوارى تەندروستیدا خزمەتێکى جوانی بە پارێزگاى هەڵەبجە کردووە، ئەمڕۆش کە هاتوون سوپاسیان دەکەین و دەستخۆشییان پێ دەڵێین و هیوادارین بەرنامەکانیان بۆ ساڵانى (٢٠٢٢ـ ٢٠٢٣)ش بەردەوام بێت".

هاوکات، د. لەزگین جەمیل، بەڕێوەبەرى گشتیى ڕێکخراوى دەستپێشخەرى پشتیوانى و هاوکاریى پزیشکیى نەرویجى (Main)، گوتی: "ئێمە ڕێکخراوێکى ناحکوومی و نێودەوڵەتین لە نەرویج، ئەمڕۆ هاتووین بۆ گەیاندنى کۆمەک و هاوکارى بە شارى هەڵەبجەى خۆشەویست، کە پێک هاتووە لە کۆمەڵێک دەرمان بە بەهاى ٢١٠ هەزار دۆلار، لە هەمان کاتدا ئەمڕۆ نزیکەى ١٢ تۆن کەلوپەل و پێداویستیى تایبەتی کەمئەندامان گەیشتووە بە شارى هەڵەبجە".