ل دهۆكێ هژماره‌كا بریارێن نى بۆ روبرۆبونا كۆرونایێ هاتنه‌ راگه‌هاندن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ل دهۆكێ هژماره‌كا بریارێن نى بۆ روبرۆبونا كۆرونایێ هاتنه‌ راگه‌هاندن

ده‌مه‌ك به‌رى نها، ل كۆچكا پارێزگه‌ها دهۆكێ، د كۆنگره‌یه‌كێ رۆژنامه‌ڤانى دا، پارێزگارێ دهۆكێ چه‌ند بریارێن نى بۆ روبرۆبونا كۆرونایێ راگه‌هاندن.

عه‌لى ته‌ته‌ر، پارێزگارێ دهۆكێ ئه‌ڤرۆ رۆژا چارشه‌مبى، د كۆنگره‌یێ رۆژنامه‌ڤانى دا راگه‌هاند:" بۆ خه‌لكێ پارێزگه‌ها دهۆكێ رادگه‌هینم، كۆ هه‌مى جه دێ د ڤه‌كرى بن، لێ دڤێت خه‌لك پێگیریێ ب رێنمایێن خۆپاراستنێ بكه‌ن، تا كۆ گیانێ وان سلامه‌ت بیت و گۆتژى:" دڤێت هه‌مى كه‌س ڤاكسینێ بدانن و ته‌خا فه‌رمانبه‌ران دڤێت هه‌تا دۆماهیا ئه‌ڤساله‌ بدانن و دیسان دڤێت قۆتابى و مامۆستایێن زانكۆیێ تا كۆ هه‌یڤا 11 بدانن".

پارێزگارێ دهۆكێ گۆتژى:" هۆلێن شه‌هیانا دێ د ڤه‌كرى بن ب پێگیریا رێنمایان و هه‌مى كۆنگره‌ ب پێگیرى ڤه‌ دێ برێڤه‌ چن و تازى دێ به‌رده‌وام د قه‌ده‌غه‌ مینن".

دیار ژى كر:" هه‌ر فه‌رمانبه‌ره‌كێ پشتى سه‌رێ سالێ ڤاكسین نه‌دانابیت و ده‌واما خۆ بكه‌ت، ئه‌م بهێنه‌ ئاگه‌هداركرن دێ پێرابون دگه‌ل وى فه‌رمانبه‌رى دگه‌ل رێڤه‌به‌رێ وی و رێڤه‌به‌ریێ هێنه‌ كرن و دیسان، ژ رێڤه‌به‌ریا ئه‌وقاف و كارۆبارێن ئاینى دخازین به‌رده‌وام بن د ئه‌ركێ خۆ یێ پیرۆز دا و به‌لاڤكرنا ئاگه‌هدارى و هۆشداریان ب رێكا مامۆستایێن ئاینى، تا كۆ خه‌لك یێگیرى رێنمایان بیت و گیان و ساخله‌میا وان پاراستى بیت".