خالید شوانى: ناکرێ بە هەمان عەقڵیەتى پێشتر کابینەى حکوومەتى عێراق پێک بێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

خالید شوانى: ناکرێ بە هەمان عەقڵیەتى پێشتر کابینەى حکوومەتى عێراق پێک بێت

"گرنگترین هەنگاو جێبەجێکردنی چاکسازییە"

وەزیرى هەرێمى کوردستان بۆ کاروباری دانوستان لەگەڵ حکوومەتی فیدراڵ، ئاماژە بۆ ئەوە دەکات ناکرێ بە هەمان عەقڵیەتى پێشتر کابینەى حکوومەتى عێراق پێک بێت و دەبێ بە تێڕوانینى تازەوە بڕوانینە ئەنجامەکانى هەڵبژاردن.

ئەمڕۆ سێشەممە 26/10/2021 لەمیانەى دیدارى مێریدا خالید شوانى ئاماژەى بۆ ئەوە کرد: "هاووڵاتییانى عێراق متمانەیان بە دەوڵەت و پرۆسەى سیاسی نەماوە، ئەم حکوومەتانە ناتوانن هاوتەریب لەگەڵ داواکارییەکانى عێراقییەکان بڕۆن، هەروەها حکوومەتی عێراق کەمتر بووەتە حکوومەتێکى دامەزراوەیی، ئەوەش بووەتە هۆی ئەوەى کە لە عێراق تەقینەوەى گەورەى جەماوەرى ڕوو بدات، چونکە عێراقییەکان داواى خزمەتگوزارى و دەوڵەتێکى بەهێز دەکەن".

گوتیشی: "ئێستا دواى هەڵبژاردن کە ئەگەر بە پێوەرى پێشووتر حکوومەت پێک بێت، ئەوا ناتوانین سەرکەوتوو بین، چونکە ئەوانە کێشەن کە حکوومەتەکانى پێشتر شکشتیان پێ هاتووە، بەڵام دەبێ گفتوگۆ لەسەر ئەوە بکەین ئایا فراکسیۆنە گەورەکانى پەرلەمانى عێراق دەیانەوێ عێراق بخەنە سەر ڕێگایەکى دەوڵەتى بەهێز و گێڕانەوەى متمانەى هاووڵاتییان بە پرۆسەى سیاسی و حوکمڕانى ئەوە باشە، ئەگینا هیچ ئاسۆیەک لە داهاتووی عێراقدا نابینرێت بۆ ئەو مەبەستەش گرنگترین هەنگاو جێبەجێکردنی چاکسازییە".

وەزیرى هەرێمى کوردستان بۆ کاروباری دانوستان لەگەڵ حکوومەتی فیدراڵ: "تا لەوێوە بڕیار لەوە بدەین کێ دەبێتە سەرۆک وەزیرانى عێراق و بەرنامەى بۆ هاووڵاتییانى عێراق چییە؟ لەسەرووى هەمو ئەوانەوە ڕێکخستنەوەى ناوماڵى عیراقییەکانە بەبێ ئەوەى بیر لەوە بکرێتەوە کورد پەراوێز بخرێت، یان عەرەبی سوننە بتوێنرێتەوە، یان لایەنەکانى دیکەى عەرەبی شیعە بەدەر بکرێن".