دووبز.. چەکدارانی حەشدی شەعبی دەستڕێژ لە ژمارەیەك ماڵی هاووڵاتییانی كورد دەكەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

دووبز.. چەکدارانی حەشدی شەعبی دەستڕێژ لە ژمارەیەك ماڵی هاووڵاتییانی كورد دەكەن

"بینای بەڕێوەبەرایەتیی پۆلیسی دووبزیشیان داوەتە بەر دەستڕێژ"

شەوی ڕابردوود گرووپی عەسائیبی ئەهلی حەق کە بەشێکن لە حەشدی شەعبی، دەستڕێژی گوللەیان لە ژمارەیەك ماڵی هاووڵاتییانی كورد و بەڕێوەبەرایەتیی پۆلسی قەزای دووبز كردووە.

لەم بارەوە ئەمڕۆ سێشەممە 26/10/2021 جەواد محەمەد بەرپرسی ناوچەی دووبزی پارتی بە (باسنیوز)ی ڕاگەیاند: "كەسێك بەناوی عەبدولقادر كە چەكداری میلیشیاكانی عەسائیبی ئەهلی حەقە لە دووبز، لەگەڵ گەنجێكی كورد بە ناوی سەرمەد، بووەتە ناخۆشی و دەمەقاڵەیان، پاشان ئەو هاووڵاتییە كوردە دژی ئەو چەکدارە سكاڵای تۆمار كردووە تاکوو چەكدارەكەی عەسائیبی ئەهلی حەق لە بەڕێوەبەرایەتیی پۆلیسی دووبز دەستگیر دەكەن".

گوتیشی: "بۆیە درەنگانی شەوی ڕابردوو چەكدارانی عەسائیبی ئەهلی حەق لە دووبز وەك كاردانەوەیەك هێرشی چەكدارییان كردووەتە سەر ماڵە كوردەكانی ئەو كۆڵانەی كە هاووڵاتییە كوردەكەی بەناوی سەرمەد لێی نیشتەجێیە و فیشەكیان بە ماڵی ئەو گەنجە و ژمارەیەك ماڵی تری كوردی ئەو كۆڵانەوە ناوە و بەوەشەوە نەوەستاون و هێرشیان كردووەتە سەر بەڕێوەبەرایەتیی پۆلیسی دووبز و تەقەیان لە باڵەخانەی بەڕێوەبەرایەتییەكە كردووە بۆ ئەوەی فشار بكەن گیراوەكەیان ئازاد بكەن، پاشان لیوای61 تەداخولی كرد، دیارە هێزە ئەمنییەكانی دووبز دەرەقەتیان نەهاتوون، بۆیە لیوای61ی تایبەت، چوار کەس لە چەكدارانی عەسائیبی ئەهلی حەقیان لەسەر ئەو تەقانە دەستگیر كردووە".