جووتیار عادل: پرۆسه‌ی خوێندن له‌ ناوه‌نده‌كانی خوێندنی په‌روه‌رده‌ و خوێندنی باڵا به‌رده‌وام ده‌بێ
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

جووتیار عادل: پرۆسه‌ی خوێندن له‌ ناوه‌نده‌كانی خوێندنی په‌روه‌رده‌ و خوێندنی باڵا به‌رده‌وام ده‌بێ

  گوته‌بێژی حكوومه‌تی هه‌رێمی كوردستان، دووپاتی كرده‌وه‌، پرۆسه‌ی خوێندن له‌ ناوه‌نده‌كانی خوێندنی په‌روه‌رده‌ و خوێندنی باڵا به‌رده‌وام ده‌بێ، ده‌شبێ تا 1/1/2022 سه‌رجه‌م فه‌رمانبه‌ران ڤاكسین لێ بده‌ن.

ئه‌مڕۆ دووشه‌ممه‌ 25/10/2021، د. جووتیار عادل،  گوته‌بێژی حكوومه‌تی هه‌رێمی كوردستان، له‌ پرێس كۆنفراسێكدا، بڕیار و ڕاسپارده‌كانی لینژنه‌ی باڵای به‌ره‌نگاربوونه‌وه‌ی كۆرۆنای خسته‌ ڕوو و دووپاتی كرده‌وه‌، پرۆسه‌ی خوێندن له‌ ناوه‌نده‌كانی خوێندنی په‌روه‌رده‌ و خوێندنی باڵا به‌رده‌وام ده‌بێ. ئاماژه‌ی به‌وه‌ش كرد له‌ بڕیاره‌كاندا، ڕه‌چاوی بازاڕ و كاسبكاران كراوه‌.

له‌باره‌ی بڕیاره‌كانه‌وه‌، جووتیار عادل گوتی: پێویسته‌ بڕیاره‌كان، له‌ سه‌رجه‌م داموده‌زگاكانی حكوومه‌ت جێبه‌جێ بكرێ، كه‌ ده‌شبێ تا 1/1/2022 سه‌رجه‌م فه‌رمانبه‌ران ڤاكسین لێ بده‌ن، به‌ پێچه‌وانه‌وه‌ به‌ پێی یاسای به‌رزه‌فه‌تی فه‌رمانبه‌ران و ڕێنوێنییه‌كانی وه‌زاره‌تی ته‌ندروستی، لێپرسینه‌وه‌یان له‌گه‌ڵ ده‌كرێ، هه‌روه‌ها پێویستە سەرجەم مامۆستایانی هەردوو وەزارەتی پەروەردە و خوێندنی باڵا تا 1/12/2021 بە ناچاری ڤاكسین وەربگرن.

گوتیشی: له‌و بڕیارانه‌، ڕه‌چاوی به‌رژه‌وه‌ندیی قوتابیان و خانه‌واده‌كانیان كردووه‌، تا پڕۆسه‌كه‌ به‌رده‌وام بێ، له‌ سه‌رجه‌م ناوه‌نده‌كانی خوێندن به‌رده‌وام بێ، له‌گه‌ڵ چه‌ند مه‌رجێك پێویسته‌  ماسك ببه‌ستن بۆ ڕێگری له‌ تووشبوون به‌ كۆرۆنا.

جووتبار عادل گوتی: داوا له‌ هاووڵاتیان ده‌كه‌ین پابه‌ند بن و ڕێز له‌ ڕێنوێنییه‌كانی وه‌زاره‌تی ته‌ندروستی بكه‌ن، بۆ ئه‌وه‌ی خۆیان له‌ كۆرۆنا و  مردن به‌ دوور بگرن.