هەڵەبجە.. هۆشداری لەبارەی زیادبوونی كۆرۆنا دەدرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

هەڵەبجە.. هۆشداری لەبارەی زیادبوونی كۆرۆنا دەدرێت

"لە ماوەی 24 كاتژمێردا، پێنج تووشبووی کۆرۆنا گیانیان لەدەستداوە"

بەڕێوەبەری نەخۆشخانەی وەفا لە هەڵەبجە، لە بارەی زیادبوونی كۆرۆناوە هۆشداری دەدات ئاشکرایکرد کە لە 24 كاتژمێری ڕابردوودا پێنج هاووڵاتی لەنەخۆشخانەی وەفا گیانیان لەدەستداوە.

د. شوان عومەر، بەڕێوەبەری نەخۆشخانەی وەفا لە هەڵەبجە بە (باسنیوز)ی ڕاگەیاند: "پارێزگای هەڵەبجەش بەدوور نییە لەو شەپۆلە توندەی ڤایرۆسی كۆرۆنا كە رووی لەهەرێمی كوردستان كردووە و ئاماری داخڵبوون و تووشبوون بەڤایرۆسی كۆرۆنا لەئاستێكی بەرزدایە، لەماوەی 24 كاتژمێری ڕابردووشدا پێنج هاووڵاتی لەنەخۆشخانەی وەفا گیانیان لەدەستداوە".

ڕوونیشیكردەوە: "ئێستا لەناو نەخۆشخانەی وەفا، 20 نەخۆش داخڵبوون و شەش نەخۆشیان لە ژێر ئامێری هەناسەداندان، تەواوی ئەو نەخۆشانەی كە لەناو نەخۆشخانەكە داخڵبوون هیچیان باری تەندروستیان جێگیر نییە".

داواشی لە دانیشتوانی پارێزگاکە كرد كە خۆپارێزی بكەن، چونكە تەنها بەخۆپارێزی بەكارهێنانی ماسك و وەرگرتنی ڤاكسین و دووربوون لە هەموو بۆنەو جێگا قەرەباڵغەكان و پابەندی پاك ڕاگرتنی دەستەكان، دەتوانین ڕێگربین لەتووشبوون و مەرگی ئازیزانمان بکەین.