ساخله‌میا دهۆكێ: ژبۆ ئاسایبوونا ژیانێ دناڤ زانكۆ و په‌یمانگه‌هاندا قوتابی دهێنه‌ ڤاكسیندان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ساخله‌میا دهۆكێ: ژبۆ ئاسایبوونا ژیانێ دناڤ زانكۆ و په‌یمانگه‌هاندا قوتابی دهێنه‌ ڤاكسیندان

به‌رپرسێ راگه‌هاندنێ ل رێڤه‌به‌ریا گشتى ساخله‌میا پارێزگه‌ها دهۆكێ دیاركر، بۆ ئاسایبوونا ژیانێ دناڤ زانكۆ و په‌یمانگه‌هاندا، دێ قوتابی هێنه‌ ڤاكسیندان، له‌ورا ژى داخازى ژ قوتابیێن زانكۆ و په‌یمانگه‌هان دكه‌ین، سه‌ره‌دانا بنگه‌هێ یانا دهۆك یا وه‌رزشى بكه‌ن بۆ وه‌رگرتنا ڤاكسینێ كۆرۆنایێ.

حه‌مزه‌ ره‌زیكى، به‌رپرسێ راگه‌هاندنێ ل رێڤه‌به‌ریا گشتى ساخله‌میا پارێزگه‌ها دهۆكێ بۆ (باسنیوز) راگه‌هاند: "53 بنگه‌هیێن ڤاكسیندانێ ل سنۆرى پارێزگه‌ها دهۆكێ رۆژانه‌ خزمه‌تا هاولاتیان دكه‌ن بۆ پێدانا ڤاكسینێ كۆرۆنایێ، ساخله‌میا دهۆكێ بۆ ئاسایبوونا ژیانێ هه‌ر ژ ده‌مێ په‌یدابوونا ڤاكسینێ دژى كۆرۆنایێ ب پشته‌ڤانیا حكومه‌تا هه‌رێما كوردستانێ و وه‌زاره‌تا ته‌ندروستى شیایه‌ هژماره‌كا ژه‌مێن پێدڤى یێن ڤاكسینێ بۆ پارێزگه‌ها دهۆكێ دابین بكه‌ت، وه‌كو ریێه‌كا كاریگه‌ر بۆ ئاسایبوونا ژیانا هاولاتیان".

گۆتژى: "بۆ ئاسایبوونا ژیانێ دناڤ زانكۆ و په‌یمانگه‌هاندا، دێ قوتابى هێنه‌ ڤاكسیندان، له‌ورا ژى داخازى ژ قوتابیێن زانكۆ و په‌یمانگه‌هان دكه‌ین، رۆژانه‌ ده‌مژمێر سێ هه‌تا حه‌فتێ ئیڤارى سه‌ره‌دانا بنگه‌هێ یانا دهۆك یا وه‌رزشى بكه‌ن بۆ وه‌رگرتنا ڤاكسینێ دژى كۆرۆنایێ".

به‌رپرسێ راگه‌هاندنێ ل رێڤه‌به‌ریا گشتى ساخله‌میا پارێزگه‌ها دهۆكێ ئاشكه‌را كر: "هه‌تا نوكه‌ ل دهۆكێ 354 هزار و 458 كه‌سان ڤاكسینێ كۆرۆنایێ وه‌رگرتینه‌، كو دۆرێن 150 هزار كه‌سان هه‌ردوو ژه‌مێن ڤاكسینێ وه‌رگرتینه‌، نوكه‌ بریار هاتیه‌ دان پێدانا ڤاكسینێ بیته‌ راسته‌وخۆ ئانكو توماركرن نه‌مینت، داكو ساناهى تر هاولاتى ڤاكسینێ وه‌ربگرن هه‌ر كه‌سه‌كێ دسه‌ر 16 سالى دا دشێت ناسنامه‌یا خو ببه‌ت وبچت ڤاكسینێ ئیكسه‌ر وه‌ربگریت".