خوشكی ڕۆژنامەنووسێكی بێسەروشوێنكراو بۆ سۆران عومەر: پارێزبەندی تا هەتایە ناتپارێزێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

خوشكی ڕۆژنامەنووسێكی بێسەروشوێنكراو بۆ سۆران عومەر: پارێزبەندی تا هەتایە ناتپارێزێت

“مافی براكه‌م په‌ڵه‌یه‌كی ڕه‌شە به‌ نێوچا‌وانیەوە و ڕۆژێك دێ ڕاپێچی دادگای بكەین”

خوشكی ڕۆژنامەنووسێكی بێسەروشوێنكراو كە سۆران عومەر لەسەر كەیسەكەی فەرمانی دەستگیركردنی بۆ دەركراوە، هۆشداری بە سۆران عومەر دەدات و ڕای دەگەیەنێت كە پارێزبەندیی پەرلەمانتاری تا هەتایە نایپارێزێت و ئەو ڕۆژەش هەر دێت كە ڕاپێچی بەردەم دادگای بكەن.

هەرچەندە لە لایەن دادگاوە فەرمانی دەستگیركردن بۆ سۆران عومەر دەركراوە، بەڵام دەزگا ئەمنییەكانی سلێمانی لەژێر كاریگەریی پەیوەندییەكانی سۆران عومەر و تاقمێكی نێو یەكێتی، بۆ ماوەی زیاتر لە ساڵێک لە دوای نەمانی پارێزبەندیی پەرلەمانییەكەی، دەستگیریان نەكرد، تا هەڵبژاردنی پەرلەمانی عێراق کرا و سۆران عومەر بووەوە بە پەرلەمانتار.

لە بەرانبەردا گوڵان حه‌سه‌ن ئه‌حمه‌د، خوشكى ڕۆژنامه‌نووس محه‌مه‌د سیاسى كە زیاتر لە ١٣ ساڵە براكەی شوێنبزر كراوە و سۆران عومەر تاكە كەسە لەسەر دۆسیەكەی فەرمانی دەستگیركردنی بۆ دەركراوە، به‌ (باسنیوز)ى ڕاگه‌یاند: “سۆران عومه‌ر به‌ بیانووی پارێزبه‌ندیی په‌رله‌مانەوە خۆی ده‌پاراست و كاتێكیش به‌ زۆرینه‌ی ده‌نگی ئەندامانی پەرلەمانی کوردستان پارێزبه‌ندیی له‌سه‌ر هه‌ڵگیرا، ڕای كرده‌ سلێمانی و له‌وێ یه‌كێتی داڵده‌ی دا، ته‌نانه‌ت ڕێگه‌یان نه‌ده‌دا ئاگاداركردنەوەشی بۆ بچێت و ناونیشانەكەیان ون كردبوو''.

پرسیاری ئەوەشی كرد كە “ئه‌گه‌ر سۆران عومه‌ر ده‌ستی له‌ شوێنبزركردنی براكه‌مدا نییە، بۆچى وا ترساوه‌ و لە پەنای پارێزبه‌ندیی په‌رله‌مانەوە خۆی دەشارێتەوە. مافی براكه‌م په‌ڵه‌یه‌كی ڕه‌شە به ‌نێوچا‌وانی سۆران عومه‌رەوە، پارێزبەندی تا هەتایە نایپارێزێت و ئەو ڕۆژە هەر دێت كە بە سزای یاسایی خۆی بگات، ئێمەش تا ڕاپێچی بەردەم دادگای نەكەین، واز لەو كەیسە ناهێنین”.

هاوكات بە سەرسوڕمانەوە باسی لەوە كرد كە سۆران عومەری كۆنە توندڕەو، “هەر كاتێک ده‌م بكاته‌وه‌، باسی ئازادی ده‌كات و باسی مافی ڕۆژنامه‌نووسان ده‌كات، كه‌چی بۆ ساتێک بوێریی نییه‌ باسی كه‌یسی براكه‌م بكات، چونكه‌ خۆى دەستی لە تاوانی شوێنبزركردنی براكەمدا هەیە”.

ئەوەشی ئاشكرا كرد كە لەلایەن سۆران عومەر و ئەوانەی لە پاڵیاندا كار دەكات، “زۆر فشارمان لێ كراوه‌ كه‌یسی براكه‌م دابخه‌ین، به‌ڵام هیچ كه‌سێک و هیچ هه‌ڕه‌شه‌یه‌ک و هیچ ترسێک ناتوانێت ناچارمان بكات کە هیچ کاتێک ده‌ست له‌ كه‌یسی براكه‌مان هه‌ڵبگرین و دایبخه‌ین، تا ئه‌و ڕۆژه‌ى تاوانبارى سه‌ره‌كى به‌ سزاى خۆى ده‌گات”.

محەمەد سیاسی ئەشكەنەیی، ڕۆژنامەنووس، لە كاتژمێر ٨ی بەیانیی ڕۆژی ٣ی ١٢ی ٢٠٠٧ لە ماڵ دەرچووە و گوتویەتی نیوەڕۆكەی چاوی بە سۆران عومەر دەكەوێت، بەڵام لە كاتی نیوەڕۆدا تەلەفۆنەكەی دادەخرێت و تا ئەمڕۆشی لەگەڵدا بێت، كەس نازانێت چی بەسەر هاتووە!

بەپێی تۆمارێكی دەنگی بێت كە چەند ساڵێک لەمەوبەر بڵاو كرایەوە و تێیدا سۆران عومەر لەگەڵ گوڵان حەسەن قسە دەكات، محەمەد سیاسی زانیاریی هەستیاری لەبارەی دەزگا ئەمنییەكانی سنووری سلێمانی لەلا بووە و سۆران عومەریش بەوردی ئاگاداری كەیسەكە بووە.