پارێزگارێ دهۆكێ هژماره‌كا ترۆمبێلێن ئاگرڤه‌مراندنێ ژ ئه‌لمانیا وه‌رگرتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

پارێزگارێ دهۆكێ هژماره‌كا ترۆمبێلێن ئاگرڤه‌مراندنێ ژ ئه‌لمانیا وه‌رگرتن

 

ئه‌ڤرۆ رۆژا سێشه‌مبى، د.عه‌لى ته‌ته‌ر، پارێزگارێ دهۆكێ هژماره‌كا ترۆمبێلێن سه‌رده‌م و پێشكه‌فتى د بۆارێ ئاگرڤه‌مراندنێ ژ حكومه‌تا وه‌لاتێ ئه‌لمانیا وه‌رگرتن و ژڤانه‌ بۆ دهۆكێ بهێنه‌ ڤه‌گۆهاستن.

ملله‌ت عسمه‌ت، سكرتێرێ رۆژنامه‌ڤانى یێ پارێزگارێ دهۆكێ بۆ (باسنیوز) دیاركر: "ئه‌ڤرۆ رۆژا سێ شه‌مبى 19/10/2021، ل باژێرێ توتلینگن ل کومارا فیدرال یا وه‌لاتێ ئەڵمانیا، د رێورەسمەکێ فەرمی دا، هژماره‌كا ترۆمبێلێن سه‌رده‌م و پێشكه‌فتى د بۆارێ ئاگرڤه‌مراندنێ دا، ژ لایێ پارێزگارێ توتلینگن میشائیل بێک Michael Beck و بەرپرسێ بەرگریا شارستانی کلاوس فورڤالدەر Klaus Vorwalder بۆ، د.عه‌لى ته‌ته‌ر، پارێزگارێ دهۆكێ هاتنه‌ راده‌ستكرن".

ته‌كه‌ز ل سه‌ر وێ چه‌ندێ ژى كر: "دڤی رێورەسمی دا بەرپرسێن ئەلمانیا راگەهاندیه‌ كۆ پێشکێشکرنا ڤان ترومبێلان نامەیەکە دیار بكه‌ین کۆ ملله‌تێ كورد بتنێ نینن، جیهانێ ئاگەهی ژ وێ رەوشا مرۆڤایەتی و رۆلێ قارەمانانە یێ شەرێ تیرورێ و ڤەحەواندنا وێ هژمارا زۆرا ئاوارە وپەنابەران هەیە ئه‌وا ژلایێ هه‌رێما كوردستانێ ڤه‌ هاتیه‌ ئه‌نجامدان".

گۆتژى: "هه‌ر د وى رێوره‌سمى دا، پارێزگارێ دهۆكێ سۆپاسیا گەل و حکومەتا کۆمارا ئەلمانیا فیدرال كریه‌ کۆ بەردەوام دگه‌ل مه‌ دا بوویه‌ و دابینكرنا ڤان ترۆمبێلان دێ بیته‌ ئه‌گه‌ر سیستەمێ ئاگرڤەمراندنێ ل پارێزگەها دهۆکێ پێشڤە بچبیت و هه‌ولێن مه‌ ژى بۆ پێشئێخستنا ڤى بیاڤى د به‌رده‌وامن ژ پێخه‌مه‌ت پتر خزمه‌تكرنا خه‌لكێ پارێزگه‌ها دهۆكێ".