وەزیرێ کارەبێ: ل زاخۆ پرۆژه‌كێ 100 مێگاواتی دێ هێته‌ دروستكرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

وەزیرێ کارەبێ: ل زاخۆ پرۆژه‌كێ 100 مێگاواتی دێ هێته‌ دروستكرن

نیڤرۆیا ئه‌ڤرۆ، رۆژا ئێكشه‌مبى، ب ئاماده‌بونا كه‌مال محه‌مه‌د سالح، وه‌زیرێ كاره‌با هه‌رێما كوردستانێ ل زاخۆ، ب فه‌رمى ڤه‌كرنا رێڤه‌به‌ریا گشتى یا كاره‌با ئیدارا سه‌ربه‌خۆ یا زاخۆ  هات راگه‌هاندن.

كه‌مال محه‌مه‌د سالح، وه‌زیرێ كاره‌بێ د كۆنگره‌یه‌كێ رۆژنامه‌ڤانیدا گۆت: "ئه‌ڤرۆ مه‌ دگه‌ل سه‌رپه‌رشتێ ئیدارا سه‌ربه‌خۆ یا زاخۆ  ئاریشێن كاره‌بێ‌ به‌حس كرنه‌ و باس ل چاره‌سه‌ریان هاتییه‌ كرن و ل نهادا كاره‌بەكا باش ل زاخۆ هه‌یه‌، چونكه‌ رێژه‌یه‌كا كاره‌با ل وه‌لاتێ توركیا بو مه‌ دهێت ل زاخۆ به‌لاڤ دبیت".

وه‌زیرێ كاره‌بێ ئه‌و چه‌نده‌ ژى دیار كر: "چه‌ندین پرۆژێن گرنك نها دا كار ل سه‌ر دهێته‌ كرن مینا وێستگه‌ها 132 كه‌ى ڤى یا تلكه‌به‌رێ و كێشانا كاره‌با 132 كه‌ى ڤى ل كاشێ. مزگینیێ ده‌ینه‌ خه‌لكێ زاخۆ كۆ  پرۆژه‌یه‌كێ دى یێ به‌رهه‌مئینانا كاره‌بێ ب 100 مێگاواتێن كاره‌بێ دێ هێته‌ دروستكرن و كۆمپانیه‌كا ئه‌لمانى دێ كار سه‌ر كه‌ت تا دوماهیا ئه‌ڤساله‌ دێ چیته‌ وارێ جهئینانێ دا".

گۆتژى:" به‌رى نها رێڤه‌به‌ریا به‌لاڤكرنا كاره‌با زاخۆ مه‌ هه‌بوویه‌ و ئه‌ڤرۆ پێدا دێ سه‌ره‌ده‌ریا رێڤه‌به‌ریا گشتى یا كاره‌با ئیدارا سه‌ربه‌خۆ یا زاخۆ دگه‌ل هێته‌ كرن و پشته‌ڤانیا به‌رده‌وام دێ بۆ كه‌رتێ كاره‌بێ هێته‌ كرن".

كه‌مال محه‌مه‌د سالح، وه‌زیرێ كاره‌بێ دوپات ژى كر:"ئه‌ڤ كابینه‌ یا چاكسازیێ یه‌، له‌ورا دوپات دكه‌ین یا د شیانێن حكومه‌تێ دا هه‌بیت دێ بۆ زاخۆ هێته‌ پێشكێشكرن و ئه‌نجامێن باش ژ چه‌ندین پرۆه‌ژه‌یان دێ هه‌بن".

ل دۆر وێ كاره‌با ل وه‌لاتێ توركیا بۆ هه‌رێما كوردستانێ دهێت، وه‌زیرێ كاره‌بێ دیاركر:"گرێبه‌ستا مه‌ دگه‌ل وه‌لاتێ توركیا تا نۆكه‌ 150 مێگاوات‌ ژ توركیا دهێت و دێ هه‌ولده‌ین ئه‌و رێژه‌یه‌ بۆ 300 مێگاوات زێده‌ بیت".