داقووق.. ته‌رمی ئه‌و هاووڵاتییه‌ دۆزرایه‌وه‌ كه‌ داعش ڕفاندبووی
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

داقووق.. ته‌رمی ئه‌و هاووڵاتییه‌ دۆزرایه‌وه‌ كه‌ داعش ڕفاندبووی

 حەوت ڕۆژ پێش ئێستا چەكدارانی داعش لە سنووری ناحیەی ڕەشادی سەر بە قەزای داقووق، هاووڵاتییەك دەڕفێنن و ئەمڕۆ تەرمی ئەو هاووڵاتییە دۆزرایەوە.

لەم بارەوە، ئەمڕۆ یەكشەممە 17/10/2021، لویس فەندی، قایمقامی قەزای داقووق، بە (باسنیوز)ی ڕاگەیاند، حەوت ڕۆژ پێش ئێستا چەكدارانی داعش، هاووڵاتییەكی دانیشتووی داقووقیان، بە ناوی "عەدنان خەڵەف قادر" لە سنووری ناحیەی ڕەشادی سەر بە قەزای داقووق رفاند.

گوتیشی: ئەمڕۆ یەكشەممە، تەرمی ئەو هاووڵاتییە لە نزیك ناوچەی "مەریەم بەگ"ی سەر بە ناحییەی ڕەشاد دۆزرایەوە.

هاووڵاتییەكە لە بنەڕەتدا خەڵكی شاری خورماتووە و لە داقووق نیشتەجێ بووە و بە تەمەنیشدا چووبوو.