به‌وێنه‌ و ڤیدیۆ.. دوو گەنجی کورد لە تورکیاوە بە پاسکیل سێ هەزار کیلۆمەتر بەرەو هەولێر دەبڕن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

به‌وێنه‌ و ڤیدیۆ.. دوو گەنجی کورد لە تورکیاوە بە پاسکیل سێ هەزار کیلۆمەتر بەرەو هەولێر دەبڕن

دوو گەنجی وەزرشوانی کورد کە خەڵکی هەرێمی کوردستانن بە پاسکیل لە تورکیاوە بەرەو هەرێمی کوردستان وەڕێ کەوتوون و بڕیارە بە بڕینی سێ هەزار کیلۆمەتر ڕێگا، بگەنەوە هەولێر، پایتەختی هەرێمی کوردستان.

شەعبان شەوکەت، گەنجێکی 28 ساڵی و وەرزشوان و دەرچووی کۆلێژی پەروەردەی وەرزشیی دهۆکە، لەگەڵ هاوڕێیەکی خۆی بە ناوی، بیلال ئیبراهیم، خەڵکی هەولێر لە ترابزۆنی تورکیاوە بە پاسکیل بەرەو هەرێمی کوردستان وەڕێ کەوتوون و بڕیارە پاش تێپەڕبوون بە چەندین پارێزگای تورکیادا و بڕینی سێ هەزار کیلۆمتر ڕێگا بگەنەوە هەولێر، پایتەختی هەرێمی کوردستان.

لەم بارەیەوە شەعبان شەوکەت بە (باسنیوز)ی ڕاگەیاند: ''ئامانجمان لەو گەشتە ئەوەیە کە بە خەڵکی ناوچەکە نیشان بدەین، گەنجانی هەرێمی کوردستان وەرزشوان و بەتوانان، بۆیە لە ترابزۆنەوە بەڕێ کەوتین و ئێستا گەیشتووینەتە ئیستانبوڵ و بەرەو هەرێمی کوردستان درێژە بە گەشتەکەمان دەدەین''.

شەعبان گوتیشی، ماوەی گەشتەکەیان تەنیا 30 ڕۆژە و دەبێ لە ڕێكه‌وتى 29/10/2021دا بگەنەوە خاکی هەرێمی کوردستان، چونکە مۆڵەتی ڤیزاکەیان تەنیا 30 ڕۆژە و پێویستە ڕۆژانە 100 کلیۆمەتر گەشت بکەن تاکوو بە بڕینی سێ هەزار کیلۆمەتر ڕێگا بگەنەوە هەولێر.