گه‌نجه‌كێ كورد دێ ل ئیسپانیا و به‌حره‌ینێ پشكدارى قاره‌مانیه‌كا له‌شجوانیێ بیت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

گه‌نجه‌كێ كورد دێ ل ئیسپانیا و به‌حره‌ینێ پشكدارى قاره‌مانیه‌كا له‌شجوانیێ بیت

گه‌نجه‌كێ كورد یێ خه‌لكێ پارێزگه‌ها دهۆكێ، ژڤانه‌ ل هه‌یڤا بهێت پشكداریێ د دوو قاره‌مانیێن جودا جودا بكه‌تن كۆ ژڤانه‌ ل هه‌ردوو وه‌لاتێن ئیسپانیا و به‌حره‌ینێ برێڤه‌ بچن.

حه‌جى رێكانى، كۆ یاریكه‌ره‌كێ یاریا له‌شجوانیێ یه‌، خه‌لكێ پارێزگه‌ها دهۆكێ یه‌ داخویانیه‌كێدا بۆ (باسنیوز) دیاركر "ل رۆژێن بۆرى دا ئه‌ز شیام ل ڤاڤارتنێن قاره‌مانیا body bolding ئه‌نجامه‌كێ باش ل سه‌ر ئاستێ یاریكه‌رێن عیراقى و نیڤده‌وله‌تى و ئاسیاوى بده‌ستخۆڤه‌ بینم و وه‌كه‌ یاریكه‌ره‌كێ كورد هاتمه‌ ده‌ستنیشانكرن، هه‌م وه‌كه‌ كورده‌ك هه‌م وه‌كه‌ نوینه‌رێ هه‌لبژارتیێ عیراقێ پشكداریێ د دوو قاره‌مانیان دا بكه‌م كۆ دێ ل هه‌ردوو وه‌لاتێن ئیسپانیا و به‌حره‌ینێ هێنه‌ ئه‌نجامدان".

حه‌جى رێكانى وێ چه‌ندێ ژى دبێژیت:" هه‌ردوو قاره‌مانیه‌ دێ ل هه‌یڤا بهێت یا 11 هێنه‌ ئه‌نجامدان و دلخۆشم وه‌كه‌ كورده‌ك پشكدارى وان هه‌ردوو قاره‌مانیان بم و دێ دلخوشتر بم رۆژه‌ك بهێت بۆ هه‌لبژارتیێ كوردستانێ پشكدارى قاره‌مانیان بم".

جهێ ئاماژه‌دانێ یه‌، حه‌جى رێكانى ل سالا 2008 هاتیه‌ ناڤا یاریا له‌شجوانیێ دا، و چه‌ندین جاران بوویه‌ قاره‌مانێ پارێزگه‌ها دهۆكێ و دیسان ل سالا 2016 و 2017 بوویه‌ قاره‌مانێ هه‌رێما كوردستانێ و دیسان ل سالا 2018 بویه‌ قاره‌مانێ عیراقێ و شیایه‌ ناسناڤێ قاره‌مانیا ئاسیاوى و جیهانى بده‌ستخۆڤه‌ بینیت.