پۆلیسی کەرکووک: نزیکەی 200 هەمەر و ئۆتۆمبێلی سەربازی گەڕەکێکی شارەکەیان تەنیوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

پۆلیسی کەرکووک: نزیکەی 200 هەمەر و ئۆتۆمبێلی سەربازی گەڕەکێکی شارەکەیان تەنیوە

بە زۆرەملێ دوکانیان بە هاووڵاتییان داخستووە

ئەمڕۆ هێزە سەپێندراوەكان لە گەڕەكەكانی شۆریجە و پەنجاعەلی-ی شاری كەركووك بڵاوەیان كردووەو بەڕێوەبەرێکی پۆلیس لە شارەکە بە (باسنیوز)ی ڕاگەیاند نزیکەی 200 هەمەر و ئۆتۆمبێلی سەربازی گەڕەکی پەنجاعەلی-یان تەنیوە.

لەمبارەوە ئەمڕۆ چوارشەممە 13/10/2021، عەقید یووسف ساڵح، بەڕێوەبەری بنكەی پۆلیسی دۆمیزی شاری كەركووك، بە (باسنیوز)ی ڕاگەیاند: "نزیكەی 200 هەمەر و ئۆتۆمبێلی سەربازی بە گەڕەكی شۆریجە بڵاوەیان پێ كراوە".

گوتیشی: "بەشێك لەو ئۆتۆمبێلە سەربازییانە لەبەردەم دوكانی هاووڵاتییانن، بۆیە دوكاندارەكان خۆیان دوكانەكانیان ناكەنەوە، هەروەها هێزەكان دوكانییان بە بەشێك لە دوكاندارەكانی تر داخستووە و دۆخەكە بەشێوەیەكی گشتی خۆش نییە".

ئەو هەنگاوە و گرتنەبەری ڕێوشوێنی توندی ئەمنی لە گەڕەکە کوردییەکانی کەرکووک، نیگەرانی لای دانیشتووانی ئەو دوو گەڕەكە دروست كردووە و لە نوێترین كردەوەدا هێزە سەپێندراوەكان جووتسایدی سەرەكیی گەڕەكی پەنجاعەلی-یان داخستووە و هاتوچۆیان پەك خستووە و دوكانی هاووڵاتییانیان بە زۆرەملێ داخستووە.

 لەدوای بەڕێوەچوونی هەڵبژاردنەوە، ماوەی سێ رۆژە فشارێكی زۆر خراوەتە سەر كوردانی كەركووك و نەیارانی كورد چاویان بەو سەركەوتنەی كورد و پارتی هەڵنایەت  ئەوەش زاندراوە ئەو هێزە تەقەیەكی زۆیان بە هەوادا كردووە و پاشان لە گەڕەكەكە درچوونە و تەقەكانیش نیگەرانیی لای دانیشتوانی گەڕەكەكەی لێكەوتوەتەوە.

بەپێی زانیارییەكان، پارتی دیموكراتی كوردستان لە چەند رێگەیەكەوە هەوڵی داوە ئارامی بۆ گەڕەكەكانی رەحیم ئاوا و شۆریجەی كەركووك بگەڕێنیتەوە، هەروەها ئەو لە هەوڵدان ئەو گەنجانەش كە لە رەشبگیرییەكەی شەوی رابردووی گەڕەكی شۆریجە دەستگیر كران، ئازاد بكات.