كەركووك.. هێزە ئەمنییەكان لە شەوی ڕابردووەوە كۆمەڵێك ئه‌ندامی پارتییان دەستگیر كردووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

كەركووك.. هێزە ئەمنییەكان لە شەوی ڕابردووەوە كۆمەڵێك ئه‌ندامی پارتییان دەستگیر كردووە

"شەقامێكی سەرەكیی ناو شاریان داخستووە"

شەوی رابردوو هێزە ئەمنییەكان دەستیان بە بڵاوكردنەوەی ئاهەنگگێڕانی ئەندامان و لایەنگرانی پارتی دیموكراتی كوردستان كرد، كە بۆ سەركەوتنی كاندیدەكانی پارتی ئاهەنگیان دەگێڕا و پاشان چەند گەنجێكیان دەستگیر كرد و تاكوو ئێستا گەنجەكانیان ئازاد نەكردووە.

لەمبارەوە، ئەمڕۆ سێشەممە 12/10/2021، مەریوان جەلال، كارگێڕی لقی كەركووكی پارتی، بە (باسنیوز)ی ڕاگەیاند، دیارە لەسەرەتای دەستپێكردنی بانگەشەی هەڵبژاردنەوە كە پارتی بە ئاڵای كوردستانەوە گەڕایەوە كەركووك، بێگومان نەیارانی كورد چاویان بەوە هەڵنەدەهات ئەوەشی كە پێشبینییان نەدەكرد ئەنجامی هەڵَبژاردن بوو، ئیتر دیارە دوای سەركەوتنی كاندیدەكانمان ئەندامان و لایەنگرانی پارتی لێرەو لەوێ ئاهەنگی سەركەوتنیان دەگێڕا كە دواجار شەوی ڕابردوو لە سنووری گەڕەكی ڕەحیمئاوای كەركووك ئاهەنگیان گێڕا، بەڵام هێزە ئەمنییەكان كەوتنە گیانی گەنجەكان و دەستیان بە لێدان و ئەشكەنجەدانیان كرد.

ئاشكراشی كرد، كۆمەڵێك گەنجیش دەستگیر كران، كە ئێستا لە هەوڵی ئازادكردنیانداین.

ئەوەشی گوت، هێزە ئەمنییەكان بەوەشەوە نەوەستان لە شەوی رابردوەوە تاكوو ئێستا دووسایدی سەرەكی گەڕەكی ڕەحیمئاوایان داخستووە ئەوەش كاریگەریی لەسەر خەڵك دروست كردووە.