بەمەبەستی بەشداریكردنی لە درامایەكی تەلەفزیۆنی، گەورە ئەكتەری ناوداری سوری میلاد یوسف، گەیشتە شاری هەولێر.
میلاد یوسف، لە لێدوانێكی رۆژنامەوانیدا بۆ كەناڵی (rt online) ی عەرەبی دەڵێت: "هاتنمان بۆ شاری هەولێر بە مەبەستی بەشداریكردنە لە درامایەكی تەلەفزیۆنی بەناوی (لیلە سقوت) كە ناوەڕۆكەکەی باس لەو ئەو كاتانە دەكات كە رێكخراوی داعش شاری موسڵی داگیر كرد".
میلاد دەڵێت: "دراماكە كارێكی زۆر گەورەیە و ژمارەیەكی زۆر لە هونەرمەندە بەناوبانگە عێراقییەكان و میسرییەكان بەشدارییان تێدا كردووە".
سەبارەت بە رۆڵی خۆشی لە دراماكە ئەم هونەرمەندە سورییە رایگەیاند: "رۆڵی من لەو درامایە رۆِڵی كوڕێكە بەناوی (سەمیر) كە پێش هاتنی داعش چەندان خەونی هەیە، بەڵام لە گەڵ داگیركردنی شاری موسڵ ئەو خەونانەی لە ناو دەچن".