بەوێنە.. ڕێژەی بەشداریی هاووڵاتییانی هەڵەبجە لە هەڵبژاردن بەرزتر دەبێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

بەوێنە.. ڕێژەی بەشداریی هاووڵاتییانی هەڵەبجە لە هەڵبژاردن بەرزتر دەبێتەوە

بەیانی ئەمڕۆ لەگەڵ دەسپێکی پرۆسەی هەڵبژاردن هەرێمی کوردستان، لە سنووری هەڵەبجە بەهۆی کارنەکردنی ئامێرەکانی دەنگدان، ڕێژەی بەشداریی خەڵک لە هەڵبژاردن کەم بوو.

بەپێی زانیارییەکانی (باسنیوز) لە دوانیوەڕۆوە ڕێژەیەکی بەرچاوی خەڵک لە بنکەکانی دەنگدان زیاتر بووە و کێشە و گرفتە تەکنیکییەکان کە لە ئامێرەکانی دەنگدان بووە، چارەسەر کراون و پڕۆسەکە لە هەموو سنووری پارێزگای هەڵەبجە بەردەوامە.

بەپێی زانیارییەکان لەناو شاری هەڵەبجە 19 بنكەی دەنگدان و 107 وێستگە هەیەو 48 هەزار دەنگدەریش مافی دەنگدانیان هەیە، لە شارەدێی سیروانی سەر بە هەڵەبجە دوو بنكەی دەنگدان و هەشت هەزار دەنگدەر هەیە، لە خورماڵ چوار بنكە و 15 هەزار دەنگدەر هەیە، هەروەها لە شارەدێی بیارەش دوو بنكەی دەنگدان و پێنج هەزار دەنگدەر هەیە.