بەپێی ئامارێكی نێودەوڵەتی كەرتی گەشتیاری بە ڕێژەی 59% گەشاوەتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

بەپێی ئامارێكی نێودەوڵەتی كەرتی گەشتیاری بە ڕێژەی 59% گەشاوەتەوە

 

راپۆرتێكی نێودەوڵەتی ئاشكرای كردووە کە ئەمساڵ كەرتی گەشتیاری بە رێژەی 59% بەرەوە گەشانەوە چووە.

رێكخراوی گەشتوگوزاری جیهانی رۆژی دووشەمەی رابردوو راپۆرتێكی لەسەر دۆخی گەشتیاری جیهانی بڵاوكردووەتەوە و ئاماژەی بەوەداوە كە تەنها لە مانگی تەمووزی ئەمساڵ 54 ملیۆن گەشتیار لە جیهاندا گەشتیان كردووە، ئەمەش مانای وایە كە كەرتەكە بە ڕێژەی 59% بە بەراورد لەگەڵ مانگی تەمووزی ساڵی 2020 ساڵ زیادی كردووە.

هەر لە ڕاپۆرتەكەدا ئەوەش خراوەتە روو كە هێشتا كەرتی گەشتیاری دۆخەكەی وەكو جاران لێ نەهاتووەتەوە، چونكە لە مانگی تەمووزی ساڵی 2019 ژمارەی گەشتیاران لە جیهاندا 164 ملیۆن گەشتیار بووە.

لە ڕاپۆرتەكەدا روونیشکراوەتەوە، بەپێی ئەو راپرسییانەی كە رێكخراوەكە ئەنجامی داون پێشبینی دەكرێت تاوەکوو دوای ساڵی 2024 كەرتی گەشتیاری نەگەڕێتەوە دۆخی جارانی.