واده‌ی داخستنی بازگه‌كان و میكانیزمی ده‌نگدانی ئاواره‌كانی كه‌ركووك ئاشكرا كرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

واده‌ی داخستنی بازگه‌كان و میكانیزمی ده‌نگدانی ئاواره‌كانی كه‌ركووك ئاشكرا كرا

 گوتەبێژی پۆلیسی كەركووك ڕایدەگەیەنێت، كاتژمێر 9ی ئەمشەو بازگەكانی كەركووك دادەخرێن و ئۆتۆمبێل بۆ ئاوارە كەركووكییەكان كە لە هەولێر و شوێنەكانی ترن دابین كراوە تاكوو بگەڕێنەوە شارەكەیان و دەنگەكانیان نەفەوتێت.

لەمبارەوە، ئەمڕۆ شەممە 9/10/2021، ڕائید عامر نووری، گوتەبێژی پۆلیسی كەركووك، بە (باسنیوز)ی ڕاگەیاند، هه‌رچه‌نده‌ دەبوو كاتژمێر 11ی ئەمشەو بازگەكانی كەركووك دابخرێن، بەڵام دوو كاتژمێر كەم كرایەوە و كاتژمێر 9ی ئەمشەو بازگەكانی كەركووك دادەخرێن.

گوتیشی: داخستنی بازگەكان بۆ ئەوەیە له‌و كاته‌ به‌دوا هاتوچۆ بۆ ناو شار و بە پێچەوانەوە ڕابگیرێ، بەهۆی بەڕێوەچوونی هەڵبژاردنی پەرلەمانی عێراقەوە.

شاخەوان عەبدوڵڵا، كاندیدی پاتی لە بازنه‌ی یه‌كی كەركووك، بە (باسنیوز)ی ڕاگەیاند، كاتژمێر 9ی ئەمشەو بازگەكانی كەركووك دادەخرێت و لە دوای دەنگدانی سبەی بۆ مەغریب بازگەكان دەكرێتەوە.

ڕاشیگەیاند: ئەمڕۆ دەبێ ئاوارەكان بگەڕێنەوە و گەڕانەوەی ئەوان زۆر گرنگە بۆ سەرخستنی پرۆسەكە، چونكە ئەگەر نەگەڕێنەوە دەنگەكانیان دەفەوتێت.

سەبارەت بە گەڕانەوەی ئاوارە كەركووكییەكان ئەوانەی كە لە هەولێر و شارەكانی ترن، شاخەوان عەبدوڵڵا، گوتی، لقی سێی پارتی دیموكراتی كوردستان، سەرقاڵی دابینكردنی ئۆتۆمبێلن بۆ گەڕانەوەی ئاوارەكان بۆ كەركووك.