کۆمسیۆن: بەشێك لە دەنگەکان بەدەست دەژمێردرێنەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

کۆمسیۆن: بەشێك لە دەنگەکان بەدەست دەژمێردرێنەوە

ئەمڕۆ هەینی كۆمسیۆنی باڵای سەربەخۆی هەڵبژاردنەكان لە عێراق ڕای گەیاند دوای كۆتاییهاتنی پڕۆسەی دەنگدانی تایبەت لە كاتژمێر 6:00ی ئێوارە، ئەنجامی دەنگدانی بەشێك لە وێستگەكان بەدەست دەژمێردرێنەوە.

كۆمسیۆنی باڵا بڵاوی کردەوە "لە هەر بنكەیەكی دەنگداندا ئەنجامی دەنگدانی یەك وێستگە بەدەست دەژمێردرێتەوە، ئەوەش بەئامانجی ڕەوینەوەی گومانی ئەو لایەنانەی كە گومانیان لە دروستی سیستەمی هەژماركردنی ئەلیكترۆنی كۆمسیۆن هەیە".

کۆمسیۆن ئاماژەی بەوەش داوە "ئەگەر جیاوازی دەنگەكان لە نێوان سیستەمی هەژماركردنی ئەلیكترۆنی و هەژماركردنەوەی دەنگەكان بەدەست لە وێستگەیەكدا زیاتر بوو لە 5%، ئەوكاتە ئەنجامی وێستگەكانی دیكەی هەمان بنكەش بەدەست دەژمێردرێنەوە و ئەنجامی هەژماركردنەوەی بەدەست پەسەند دەكرێت".