بەم دواییانە توێژەران و زانایانی زانکۆی بەناوبانگی (هۆنگ کۆنگ)، دوای توێژینەوە لەسەر سەدان پزیشکی نەخۆشخانەکان، کە شەوانە ئێشکگر بوونە و خەریکی ڕاپەڕاندنی کارەکانیان بوونە، بۆیان دەرکەوتووە، کاری شەوانە، کە کەمخەویی شەوانەیش بەدوایدا دێت، زیانی بۆ سەر DNAی مرۆڤ هەیە.
زانایان بۆیان دەرکەوت، ئەم بابەتە تا ڕادەیەک مەترسیدارە و ئەگەری تووشبوون بە نەخۆشیی جیناتەکان لە مرۆڤی کەمخەودا بەراورد بەو کەسانەی خەوی شەوانەیان ئاساییە زیاترە و جەخت دەکەنەوە، کاتێک DNAی مرۆڤ تێکدرا، خانەکانی شێرپەنجە چالاک دەبن و ئەگەری زۆرە مرۆڤ تووشی نەخۆشیی شێرپەنجە ببێ.