ژمارەیەك كەسایەتی عەشیرەتی گەڵاڵی پەیوەندییان بە ریزەكانی پارتییەوە كرد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ژمارەیەك كەسایەتی عەشیرەتی گەڵاڵی پەیوەندییان بە ریزەكانی پارتییەوە كرد

 

ژمارەیەك لە پیاوماقوڵ، رش سپی و گەنجانی تیرە جیاوازەكانی عەشرەتی گەڵاڵی لە سنوری لقی 12ی پارتی دیموكراتی كوردستان، پەیوەندییان بە ریزەكانی پارتییەوە كرد.

د. هاوكار عومەر ئاغا گەڵاڵی، ئەندامی مەكتەبی پەیوەندییەكانی پارتی دیموكراتی كوردستان، لەمبارەیەوە بە (باسنیوز) ڕاگەیاند: ”ئەمڕۆ شەممە 2/10/2021، ژمارەیەكی زۆر لە پیاوماقوڵ، ڕیش سپی و گەنجان لە تیرە جیا جیاكانی عەشرەتی گەڵاڵی كە ژمارەیان زیاتر لە 100 كەس دەبن و نوێنەرایەتی سەدان گەنجی ناوچەكە دەكەن لە حزبەكانی تری وەكو (یەكێتی و گۆڕان) دوای ئەوەی سەردانی بەرپرسی لقی 12ی پارتییان كرد لە هەڵەبجە بڕیاریاندا لەمڕۆوە لە ریزەكانی پارتی خەبات بكەن”.

گوتیشی: ”ئەو کەسانە بۆیان دەركەوتووە كە پارتی دیموكراتی كوردستان تاكە حزبە بتوانێت خزمەتی كوردستان و دۆزی رەوای گەلی كورد بكات و خودی سەرۆك بارزانی تاكە كەسە كە بتوانێ ئەم پرسە گرنگەی كورد بگەیەنێتە كەناری ئارامی”.

هاوكات جەلال حاجی نەریمان، كارگێڕی لقی 12ی پارتی دیموكراتی كوردستان، بە (باسنیوز)ی ڕاگەیاند: ”دوێنێ لە سنووری گەرمیانیش كۆمەڵانێكی زۆر لە خەڵك پەیوەندیانكردووە بە پارتی دیموكراتی كوردستان و لە رۆژانی رابردووتریش خەڵكی تر لە دەڤەری ڕانییە و قەڵادزێوە پەیوەندییان كردووە بە ریزەكانی پارتییەوە، ئەم پەیوەندی كردنانەش بۆ ئەوە دەگەڕێتەوە هەمیشە مێژووی پارتی پڕیەتی لە سەروەریی و خوێن بەخشین، بۆیە لە زۆرێك لە وێستگەكاندا زۆرن ئەو خەڵكانەی كە تێڕوانینان بۆ خوێن و خەبات و مێژووی پارتی هەیە و ناو بەناو دەبینن و دەبیستین كە كۆمەڵێك لە تێكۆشەران پەیوەندی دەكەن بە پارتییەوە”.

ئەو كارگێڕەی لقی 12ی پارتی گوتیشی: ”خەڵكانێكی زۆر دوای ئەوەی كە تێدەگەن لایەنە ڕكەبەرەكانی پارتی چ کارەساتێکیان بەسەر خەڵكی ئەم نیشتمانەدا هێناوە و ڕۆژ بە ڕۆژ هەموو ئەو خیانەت و غەدرو زوڵمانەی كە ئەوانە بەرامبەر بە گەلی كوردستان و خاكی ئەم نیشتمانە دەیكەن بۆیان رووندەبێتەوە و لە بەرامبەریش خۆڕاگریی و بەرگریکردنی پارتی و سەركردەكانی ئێمەیان بۆ روون دەبێتەوە كە چ بەرگرییەک لە مافەكانی خەڵكی كوردستان دەكەن، بۆیە ڕۆژانە پۆل پۆل خەڵك لە ئەندامانی حزبەكانی ترەوە پەیوەندی بە ریزەكانی پارتییەوە دەكەن”.