بەڕێوەبەری شوێنەواری مێرگەسۆر: تا ئێستا 200 شوێنەوار لە مێرگەسۆر دۆراونەتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

بەڕێوەبەری شوێنەواری مێرگەسۆر: تا ئێستا 200 شوێنەوار لە مێرگەسۆر دۆراونەتەوە

بەڕێوەبەری شوێنەواری مێرگەسۆر رایدەگەیەنێت، تا ئێستا 200 شوێنەوار لەسنووری شارۆچکەی مێرگەسۆر لە ئیدارەی سەربەخۆی سۆران لە پارێزگای هەولێر، دۆزراونەتەوە.

سۆران ئەمیر، بەڕێوەبەری شوێنەواری مێرگەسۆر بە (باسنیوز)ی رایگەیاند: جگە لەو 200 شوێنەوارەی دۆزراونەتەوە، پێشبینی دەكرێت چەندین شوێنەواری دیکە لەم سنوورە هەبن.

سۆران ئەمیر هەروەها رایگەیاند: شوێنەوارناسانی جیهان بە هاوكاریی حكومەتی هەرێمی كوردستان و بەڕێوەبەرایەتیی گشتیی شوێنەوار، هەڵكۆڵینیان بۆ شوێنەوارەكانی (ئەشكەوتی شانەدەر و زەڤیا چەمێ‌) کردووە و چەند پارچە شوێنەوارێك و ئێسكەپەیكەری مرۆڤ دۆزراونەتەوە.

بەڕێوەبەری شوێەواری مێرگەسۆر ئاماژەی بەوەش دا، شوێنەوارناسانی زانکۆی کامبریجی بەریتانی بە نیازن لە سەرەتای مانگی ئاداری داهاتوو بگەڕێنەوە و دەست بە لێکۆڵینەوەکانیان لە شوێنەوارەکانی دەڤەری بارزان بکەن، کە ماوەی دوو ساڵە بەهۆی بڵاوبوونەوەی پەتای کۆرۆنا کارەکانیان راگرتووە.