تورکمانستان.. ئەو وڵاتەی كە هیچ حاڵەتێكی كۆرۆنای تێدا تۆمار نەكراوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

تورکمانستان.. ئەو وڵاتەی كە هیچ حاڵەتێكی كۆرۆنای تێدا تۆمار نەكراوە

 

بە پێی بەدواداچوونێكی ماڵپەری (ئەلعەرەبییە) دەسەڵاتدارانی وڵاتی توركمانستان وایان لە جیهان گەیاندووە كە كۆرۆنا لە وڵاتەكەیان نییە.

لە ماوەی دوو ساڵی رابردوودا جیهان رووبەڕووی پەتایەكی جیهانی هات کە كۆرۆنا بوو، بەڵام تاكە وڵات كە تاوەكوو ئێستا پێی وایە كۆرۆنا لە وڵاتەكەیان بوونی نییە توركمانستانە و بەرپرسانی تەندروستی ئەو وڵاتەش هیچ لێدوانێكی فەرمی لەمبارەیەوە نادەن.

هەرچەندە قربانقولی بیردی محەمەدۆف، سەرۆکی تورکمانستان لە كۆبوونەوەی ساڵانەی نەتەوە یەكگرتووەكاندا رایگەیاند کە وڵاتەكەیان خاڵییە لە ڤایرۆسی كۆرۆنا، بەڵام لەلایەن بەشێك لەو چالاكوانانەی كە لەدەرەوەی وڵات ژیان بەسەر دەبەن، دەڵێن دەسەڵاتداران حاڵەتەكانی تووشبوونی كۆرۆنا دەشارنەوە بۆ ئەوەی واپیشانی جیهان بدەن كە باشترین سیستەمی تەندروستیان لە توركمانستان هەیە.

رسلان توركمان، كە چالاكوانێكی سیاسیی توركمانستانە و لە وڵاتی هۆڵەندا نیشتەجییە، لە وتارێكدا ناوی 60 كەسی هێناوە كە لە ماوەی دوو ساڵی ڕابردوودا بەهۆی پەتای كۆرۆناوە كۆچی دواییان كردووە، بەڵام دەسەڵاتداران كەیسی مردنەكەیان شاردۆتەوە.

هەروەها رێکخراوی هیومان رایتس وۆچ، دەڵێت: "لە وڵاتی توركمانستان هەر كەسێك لەسەر كۆرۆنا رەخنەیەكی هەبێت یان لێدوانی فەرمی بدات ئەوا رووبەرووی سزایەكی توند و ئەشكەنجەدانێكی زۆر دەبێتەوە".