بەرپرسێكی دەست لەكاركێشاوەی گۆڕان: یەكێتی جاش و مستەشاری كاندید كردووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

بەرپرسێكی دەست لەكاركێشاوەی گۆڕان: یەكێتی جاش و مستەشاری كاندید كردووە

ئەنفالچییەكان لە سایەی یەكێتیدا كار بۆ گەیشتنەوە بە دەسەڵاتی سیاسی دەكەن

ئەنفالچییەكان لە سایەی یەكێتیی نیشتمانیی كوردستاندا كار بۆ گەیشتنەوە بە دەسەڵاتی سیاسی دەكەن. بەرپرسێكی دەست لەكاركێشاوەی بزووتنەوەی گۆڕان ئاشكرای دەكات كە بەهۆی ئەوەی یەكێتی جاش و مستەشارەكانی كاندید كردووە، دەستیان لەكار كێشاوەتەوە.

هەرچەندە سەرجەم ئەو ئەنفالچییانەی كە لە سەردەمی ڕژێمی بەعسدا بەشدارییان لە پرۆسەكانی ئەنفالدا كردبوو، لە دوای ساڵی ١٩٩١ەوە دەسەڵاتی سیاسییان لەدەست داوە، بەڵام خەریكە خۆیان و نەوەكانیان لە سایەی یەكێتیی نیشتمانیی كوردستان و سیاسەتی برەودانی ئەو حزبە بە خیانەت و خیانەتكاران، ئەنفالچییەكان هەوڵی گەیشتنەوە بە دەسەڵاتی سیاسیش دەدەن.

No description available.

ئەم كارەی یەكێتی، لە نێو هاوپەیمانیی كوردستانیدا كە هاوپەیمانیی نێوان یەكێتی و گۆڕانە، نیگەرانی لێكەوتۆتەوە. لەم چوارچێوەیەدا مه‌هدی عه‌زیز حاجی، به‌رپرسی بازنه‌ی گۆڕان له‌ هه‌ولێر كه‌ ماوه‌ی چه‌ند رۆژێكه‌ ده‌ستی له‌كار كێشاوه‌ته‌وه‌، بە (باسنیوز)ی راگەیاند، “به‌ڵگه‌ی ڤیدیۆیی هه‌یه‌ كه‌ باوكی فه‌یسه‌ڵ كه‌ریم خان برادۆستی ئه‌ملا و ئه‌ولای سه‌ددام حوسێن ماچ ده‌كات و بانگهێشتی ده‌كات و ده‌ست له‌ملانێی یه‌كترن، كەچی ئێستا یه‌كێتی ده‌یه‌وێ لە ڕێگەی كوڕە هەژارەوە دەنگی بۆ كۆبكاتەوە”.

ئاماژەشی بەوە كرد كە هەر یەكێتی كاتی خۆی تاریق رەمەزانی ئازاد كرد كە یەكێك بوو لەو فڕۆكەوانانەی هەڵەبجەی كیمیاباران كردبوو.

بەرپرسە دەست لەكاركێشاوەكەی گۆڕان ئاشكرای كرد كە یەكێك لەو هۆكارانەی وایكردووە دەست لەكار بكێشنەوە، ئەوەیە كە یەكێتی لە ڕێگەی هاوپەیمانێتییەكەی لەگەڵ گۆڕان، “بە خەڵكی هەولێر دەڵێن دەنگ بۆ كوڕە جاشەكان كۆبكەنەوە”. گوتیشی: “یه‌كێتی دەیەوێ بە ده‌نگی گۆران كوڕە جاش و مستەشار ده‌ربچێت، بۆیه‌ لێره‌وه‌ پێیان ده‌ڵێین، زۆرتان نه‌ماوه‌، خۆتان و مێژوو و جاش و موسته‌شاره‌كانیشتان جێگەتان له‌ هه‌ولێر نابێته‌وه”.

هەر بەهۆی بایەخدان بە كوڕە جاش و ئەنفالچییەكان لە لایەن یەكێتییەوە، ڕۆژی ٧ی ٥ی ٢٠٢١، مامە غەفە، پێشمەرگەی دێرین و یەكێك لە فەرماندە سەربازییە دیارەكانی یەكێتیی نیشتمانیی كوردستان لە هەولێر، لە ڕێگەی (باسنیوز)ەوە رای گەیاند: “لە سنووری هەولێر، یەكێتی جاشێكی كاندید كردووە كە پەنجا ساڵە تفەنگیان بە پێشمەرگەوە ناوە“.

هەروەها تەیمووری ئەنفال كە یەكێكە لە قوربانییانی ئەنفال و لە ماوەی رابردوودا لە مام جەلالی سكرتێری گشتیی یەكێتییەوە نزیك بووە، ماوەیەك لەمەوبەر بە توندی ڕەخنەی لە بەشداریكردنی هاوسەرۆكێكی یەكێتی لە پرسەی یەكێك لەو ئەنفالچییانە كە لە شاری سلێمانی پرسەی بۆ دانرابوو، دەربڕی و بە خیانەتێكی گەورە لە ئەنفالكراوان و خوێنی شەهیدانی لە قەڵەم دا.

بەپێی لاپەڕەی یەكەمی ڕۆژنامەی (ڕۆژنامە)ی كۆمپانیای وشە، لە ژمارەیەكی ساڵی ٢٠٠٩ی خۆیدا، لاپەڕەی یەكەمی تەرخان كردبوو بۆ سێ وێنە و یەك بەڵگەنامە، تێیدا ئاشكرای كردبوو كە تاریق ڕەمەزان، ئەو فڕۆكەوانەی بەشداریی لە كیمیابارانی هەڵەبجەدا كردبوو و لە زیندانەكانی یەكێتیدا بوو، بە فەرمانی سكرتێری گشتیی یەكێتی، لە زیندان ئازاد كراوە و بەرپرسانی باڵای ئاسایشی یەكێتییش تەنانەت لە كاتی ئازادكردنیدا وێنەی یادگارییان لەگەڵدا گرتووە.

ساڵی ٢٠١٨ش، یەكێتی موستەشارێكی تۆمەتبار بە تاوانی ئەنفالی ئازاد كرد كە ناوی (سەید مەجنوون) بووو هەرچەندە دادگای باڵای تاوانەكانی عێراق بڕیاری گرتنی دەركردبوو و پێشتر لە سنووری گەرمیان و چەمچەماڵ گیرابوو، بەڵام لەلایەن هێزەكانی یەكێتییەوە ئەو تۆمەتبارە ئازاد كراوە.

No description available.

فەیسەڵ كەریم خان برادۆستی

No description available.