رژێمی سووریا: دەبێت توركیا دەستبەجێ هێزەكانی لە سووریا بكێشێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

رژێمی سووریا: دەبێت توركیا دەستبەجێ هێزەكانی لە سووریا بكێشێتەوە

وەزیری دەرەوەی رژێمی سووریا داوای دەستبەجێ کشاندنەوەی هێزەكانی تورکیا لە رۆژئاوای کوردستان و سووریا دەکات.

فەیسەل میقداد، وەزیری دەرەوەی رژێمی سووریا، لە لێدوانێكدا بۆ ئاژانسی (سپوتنیک)ی رووسی، رایگەیاندووە: توركیا بە شێوەیەكی بەرچاو دەستی بە داگیركردنی خاكی سووریا كردووە.

فەیسەڵ میقداد داوای لە تورکیا کردووە ”بەپەلە“ هێزەکانی وڵاتەکەی لە رۆژئاوای کوردستان و سووریا بکێشێتەوە.

توركیا بەشێكی خاكی رۆژئاوای کوردستان و باکووری سووریای بە بەهانەی پاراستنی ئاسایشی خاكی توركیا، داگیر کردووە و پشتگیریی گرووپە چەکداریە توندڕەوەکانی دژ بە رژێمی سووریا، دەکات.

هەفتەیەكە، گرژیئەكی زۆر لە نێوان هێزەكانی رژێمی سووریا و گروپی توندڕەوی ئەحرار شام لە ئیدلیب دروست بووە و چەندین كوژراو لە نێوانیاندا هەیە و بڕیارە هەفتەی داهاتوو كۆبوونەوەی لووتكەی توركیا، ئێران و رووسیا لەو بارەیەوە بەڕێوە بچێت.

وەزیری دەرەوەی رژێمی سووریا پێی وایە ئەو گرژییەی لەم چەند رۆژەدا لە ئیدلیب دروست بووە، هۆكارەكەی توركیایە، چونكە تورکیا ”بە ئاشكرا پشتگیری لەو گروپە تیرۆرستییە دەكات كە لەناو ئیدلیبە و نایەوێت چۆڵی بكات. ئێمە داوا لە كۆمەڵگەی نێودەوڵەتی دەكەین، سنوورێك بۆ توركیا دابنێت و ناچار بكرێت لە خاكی سووریا بچێتە دەرەوە“.