بەرپرسێکی پارتی: خەڵکی گەرمیان ئومێدیان بە پارتییە و دەنگ بە کاندیدەکانی دەدەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

بەرپرسێکی پارتی: خەڵکی گەرمیان ئومێدیان بە پارتییە و دەنگ بە کاندیدەکانی دەدەن

بەرپرسێکی پارتی لە گەرمیان رایدەگەیەنێت، خەڵکی گەرمیان ئومێدیان بە پارتی دیموکراتی کوردستانە و دەنگ بە کاندیدەکانی دەدەن.

سەباح محەمەد، كارگێڕی لقی 22ی گەرمیانی پارتی، بە (باسنیوز)ی ڕاگەیاند: لقی گەرمیانی پارتی دەستی بە هەڵمەتی بانگەشەی هەڵبژاردن كردووە و ”بەردەوامین لەسەردانیكردنی چین و توێژەكان و بەڕێوەبردنی كۆڕ و كۆبوونەوەی جەماوەری“.

سەباح محەمەد هەروەها رایگەیاند: تێبینیی ئەوەیان كردووە خەڵكێكی زۆر ڕوو لە پارتی دەكەن و ”خەڵك ئومێدیان زیاتر بە پارتییە، بۆیە پێشبینی دەكەین بۆ هەڵبژاردنی داهاتوو دەنگەكانی پارتی زیاد بكات و هەڵبكشێت لە چاو هەڵبژاردنەكانی ڕابردوو“.

ئەو بەرپرسەی پارتی ئاماژەی بەوە کرد، کە خەڵکی گەرمیان پێشتر خەڵکێکی تاقی کردووەتەوە، بەڵام ئەو کەسانە لە بەغدا لە بری بەرگریکردن لە مافەکانی گەلی کوردستان، کەوتنە دژایەتیی خواستەکانی گەلی کوردستان و کاریان لەسەر بڕینی بودجەی هەرێمی کوردستان و مووچەی فەرمانبەرانی کرد.

سەباح محەمەد راشیگەیاند: سنووری لقی گەرمیان بەرفراوانە و ئەوزن كار بۆ چەند كاندیدێك دەكەن كە هەریەكە لەم کاندیدانە دەگرێتەوە:

- شوان محەمەد، كاندیدی ژمارە 24 لە بازنەی پێنجی سلێمانی.

- جوان مەحمود، کاندیدی ژمارە 53 لە بازنەی 4ـی دیالە لە قەرەتەپە.

- د. هیوا تاهیر، كاندیدی ژمارە 44ی لە سنووری خورماتوو.