ب وێنه‌.. ل دێره‌لۆكێ ده‌ست ب چێكرنا پرا سپنه‌ هاته‌ كرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ب وێنه‌.. ل دێره‌لۆكێ ده‌ست ب چێكرنا پرا سپنه‌ هاته‌ كرن

سه‌رۆكێ باژێرڤانیا دێره‌لۆكێ دیاركر، حكومه‌تا هه‌رێما كوردستانێ كوژمێ 110 ملیۆن دینار بۆ چێكرنا پرا سپنه‌ ل دێره‌لۆكێ ته‌رخانكریه‌، نۆكه‌ پرۆژه‌ كه‌ڤتیه‌ قوناغێن بجه ئینانێدا.

عه‌بدولمەناف ره‌شید، سه‌رۆكێ باژێرڤانیا دێره‌لۆكێ بۆ (باسنیوز) راگه‌هاندكو: "ساله‌ 2020ێ ژ ئه‌گه‌رێ له‌هیێن بارانێ پرا سپنه‌ هاتبوو خرابكرن، پشتى سه‌رۆكێ حكومه‌تا هه‌رێما كوردستانێ سه‌ره‌دانا قه‌زا ئامێدیێ كرى، رازیبوون ل سه‌ر چێكرنا پرۆژه‌یێ پرا سپنه‌ كر، نۆكه‌ ب پشته‌ڤانیا حكومه‌تا هه‌رێما كوردستانێ ده‌ست ب چێكرنا پرۆژه‌یێ پرا سپنه‌ هاتیه‌ كرن، ئه‌ڤ پرۆژه‌ ژلایێ كۆمپانیا هۆژین ڤه‌ دهێته‌ بجه ئینان".

ئاشكه‌را كركو: "پرا سپنه‌ ب فرەهیا 5 مه‌تران ب درێژاهیا 20 مه‌تران وبلنداهیا چار مه‌تران دهێـته‌ دروستكرن، حكومه‌تا هه‌رێما كوردستانێ كوژمێ 110 ملیۆن دیناران بۆ بجه ئینانا پرۆژه‌یێ ته‌رخانكرینه،‌ نۆكه‌ ده‌ست ب قوناغێن چێكرنا پرۆژه‌یێ هاتیه‌ كرن، ئه‌ڤ پرۆژه‌ ب سه‌رپه‌رشتیا رێڤه‌به‌ریا رێك وپرا ل دهۆكێ دهێـته‌ ئه‌نجامدان".

سه‌رۆكێ باژێرڤانیا دێره‌لۆكێ سه‌ر قه‌زا ئامێدیێ ڤه‌ گۆتژى: "پشتى ئه‌ڤ پرۆژه‌ دووماهی دهێت دێ خزمه‌ته‌كا مه‌زن گه‌هته‌ خه‌لكێ ده‌ڤه‌را دێره‌لۆكێ نه‌خاسمه‌ ژى جۆتیارێن دیره‌لۆكێ دێ گه‌له‌ك مفاداربن، دێ هاتن وچوونا وان ئاسان بیت".