چەند بڕگەیەکی مێژووی کورد لە پێشانگەیەکی شێوەکاریدا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

 چەند بڕگەیەکی مێژووی کورد لە پێشانگەیەکی شێوەکاریدا

هونەرمەندی شێوەکار کەمال هەژار لەڕێگەی 60  تابلۆی شێوەکارییەوە کە زۆرینەیان پانۆرامان، هۆڵی پێشەوا قازی محەمە لەناو وەزارەتی ڕۆشنبیری پوختەیەک لە مێژووی گەلی کوردی خستووەتە ڕوو.

کەمال هەژار بە (باسنیوز)ی ڕاگەیاند: "ئەو پێشانگایە تابلۆی مێژووی کوردە بە خستنەڕووو ڕووداوەکان و ڕێبەر و سەرکردەکانییەوە و توانیومە لەو ڕێگایەوە کە زۆربەیان پانۆرامان، باس لە ڕووداوە هەرە جەرگبڕەکانی کوردستان بکەم".

ئەو هونەرمەندە کوردە باسی لەوەش کرد: "ئەو پێشانگەیە ماوەی یەک هەفتە لە هەولێر و لە هۆڵی پێشەوا قازی محەمەد لەناو وەزارەتی ڕۆشنبیری و لاوانی حکوومەتی هەرێمی کوردستان بەردەوام دەبێت".

کەمال هەژار، گوتیشی: "دەخوازم ئەم تابلۆیانە لە گەلەرییەکی تایبەتیدا بخرێنە ڕوو، بۆ ئەوەی ئەو کەسایەتی و شاندە بیانییانەی دێنە هەرێمی کوردستان، سەردانی ئەو پێشانگەیە بکەن و پوختەیەک لە مێژووی ئێمە بە تابلۆ ببینن".