ل ئامێدیێ زێده‌تر ژ 30 هزار دۆلاران لسه‌ر زارۆكێن بێ سه‌میان هاتنه‌ به‌لاڤكرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ل ئامێدیێ زێده‌تر ژ 30 هزار دۆلاران لسه‌ر زارۆكێن بێ سه‌میان هاتنه‌ به‌لاڤكرن

111 زارۆك ژ ڤێ هاریكاریێ مفادار بوون

 ل قه‌زا ئامێدیێ ژلایێ ده‌زگایێ خێرخازى یێ بارزانى ڤه‌، ب كۆژمێ زێده‌تر ژ 30 هزار دۆلاران هاریكارى ل سه‌ر زارۆكێن بێ سه‌میان هاتنه‌ به‌لاڤكرن.

شه‌ڤگێر چێى، نۆینه‌رێ ده‌زگایێ خێرخوازى یێ بارزانى ل قه‌زا ئامێدیێ بۆ (باسنیوز) دیاركر:" به‌رده‌وامیا وان هاریكاریێن ژلایێ ده‌زگایێ خێرخوازى یێ بارزانى ڤه‌، ل هه‌مى ده‌ڤه‌رێن هه‌رێما كۆردستانێ ل سه‌ر زارۆكێن بێ سه‌میان دهێنه‌ به‌لاڤكرن، ئه‌ڤرۆ ل قه‌زا ئامێدیێ، 111 زارۆكێن بێ سه‌میان هاریكاریه‌كا ماددى ب كۆژمێ 300 دۆلاران وه‌رگرتن كۆ زێده‌تر ژ 30 هزار دۆلاران ئه‌ڤرۆ ل سه‌ر زارۆكێن بێ سه‌میان هاتنه‌ به‌لاڤكرن".

نۆینه‌رێ ده‌زگایێ خێرخوازى یێ بارزانى ل قه‌زا ئامێدیێ بۆ (باسنیوز) ئه‌و چه‌نده‌ ژى دیاركر:" ئه‌و هاریكاریه‌ ب هاریكاریا ده‌وله‌مه‌ند و خێرخوازێن كۆردستانێ دگه‌هنه‌ ده‌زگایێ خێرخوازى یێ بارزانى و ل سه‌ر زارۆكێن بێ سه‌میان دهێنه‌ به‌لاڤكرن، هه‌لبه‌ت ئارمانجا مه‌ دلخۆشكرنا ڤان زارۆكایه‌ و ناهێلین هه‌ست ب كێماسیێ بكه‌ن، یا د شیان دا بیت بۆ دلخۆشكرنا وان دێ ئه‌نجامده‌ین".