وەزیری کارەبا: دەرفتێکی باش بۆ وەبەرهێنانی کۆمپانیاکان لە سێکتەری کارەبای هەرێمی کوردستان رەخساوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

وەزیری کارەبا: دەرفتێکی باش بۆ وەبەرهێنانی کۆمپانیاکان لە سێکتەری کارەبای هەرێمی کوردستان رەخساوە

 

وەزیری کارەبای حکوومەتی هەرێمی کوردستان لەگەڵ کۆنسوڵی گشتیی تورکیا لە ھەولێر کۆبووەوە و وردەکارییەکانی پرۆژەی هێڵی گواستنەوەی نێوان تورکیا، هەرێمی کوردستان و عێراق-یان تاوتوێکرد.

ئەمڕۆ دووشەممە 20/9/2021، وەزارەتی کارەبا لە راگەیاندراوێکدا کە کۆپییەکی بە (باسنیوز) گەیشتووە و تێیدا بڵاویکردووەتەوە: "ھاکان کاراچای، کۆنسوڵی گشتیی تورکیا لە ھەولێر، بە مەبەستی بەشداریکردنی کۆمپانیاکانی وڵاتەکەی لە پرۆژەکانی کارەبای هەرێمی کوردستان و ئاگاداربوون لە وردەکارییەکانی پرۆژەی هێڵی گواستنەوەی نێوان تورکیا، هەرێمی کوردستان و عێراق سەردانی وەزارەتی کارەبای کرد".

ئاماژە بەوەش کراوە: "لە کۆبوونەوەکەدا کەمال محەمەد ساڵح، وەزیری کارەبا باسی لە رەوشی کارەبا هەرێمی کوردستان بە تایبەتی لە بواری وەبەرهێنان کرد کە دەرفتێکی باش بۆ وەبەرهێنانی کۆمپانیاکان لە سێکتەری کارەبا رەخساوە".

ئەوەش خراوەتە روو کە وەزیری کارەبا ئامادەیی وەزارەتەکەی بۆ ئاسانکاریی و بەشداریکردنی کۆمپانیاکانی بیانی لە کەرتی کارەبای هەرێمی کوردستان پیشاندا.