ئیدارەی سەربەخۆی زاخۆ هەنگاوێکی دیکەی خزمەتگوزاریی کابینەی نۆیەمە بۆ هاووڵاتییان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئیدارەی سەربەخۆی زاخۆ هەنگاوێکی دیکەی خزمەتگوزاریی کابینەی نۆیەمە بۆ هاووڵاتییان

"دەبێتە هۆی ڕەخساندنی هەلی کار بۆ خەڵکی زاخۆ"

ئەمڕۆ 20/9/2021، ئیدارەی سەربەخۆی زاخۆ لەلایەن مەسرور بارزانی، سەرۆکی حکوومەتی هەرێمی کوردستانەوە ڕاگەیەندرا و بەڕێوەبەری گەشتوگوزاری زاخۆ لەم بارەیەوە دەڵێت، ئەم هەنگاوە لە هەموو بوارێکەوە گرنگییەکی زۆر بە زاخۆ دەبەخشێت.

چیا ئەمین، بەڕێوەبەری گەشتوگوزاری زاخۆ، بە (باسنیوز)ی ڕاگەیاند: ''ڕاگەیاندنی ئیدارەی سەربەخۆی زاخۆ هەنگاوێک دەبێت بۆ زیاتر ئاوەدانکردنەوەی زاخۆ و جێبەجێکردنی پڕۆژەی خزمەتگوزاری و ڕەخساندنی هەلی کار بۆ خەڵکی زاخۆ و لەم دەڤەرەدا کەرتەکانی گەشتوگوزار و تەندروستی پێش دەکەون، چونکە ئەو ڕۆتینیاتەی پێشتر هەبوو، نامێنێت و گرنگییەکی زیاتر بە کەرتی گەشتوگوزار لە زاخۆ دەدرێت''.

بەڕێوەبەری گەشتوگوزاری زاخۆ ئاشکراشی کرد: ''زاخۆ یەکێک لە دەڤەرە ستراتیژییەکانی کەرتی گەشتوگوزارە و ئێمە لەسەر ئەو باوەڕەین کە بە ڕاگەیاندنی ئیدارەی سەربەخۆی زاخۆ دەتوانین هەنگاوی باشتر بۆ خزمەتکردنی خەڵکی زاخۆ بنێین و زاخۆ دەبێتە مەڵبەندێکی زۆر بەهێز و گرنگی دەڤەرەکە و زۆر پێشکەوتن بە خۆیەوە دەبینێت''. 

هەرم لەم پێوەندییەدا، فەرهاد مەحموود، بەڕێوەبەری ناحیەی باتیفای سەر بە زاخۆ، بە (باسنیوز)ی ڕاگەیاند: ''ڕاگەیاندنی ئیدارەی سەربەخۆی زاخۆ یەکێکی دیکە لە خزمەتگوزارییەکانی کابینەی نۆیەمی حکوومەتی هەرێمی کوردستانە، ناحیەی باتیفاش دەبێتە قەزا و بیگوڤا دەبێتە ناحیە و ئەمەش بوار بۆ گەیاندنی خزمەتی زیاتر بە خەڵکی دەڤەری زاخۆ دەڕەخسێنێت''.