دەزگایەکی ڕاپرسی: لە هەر 10 دەنگدەری كورد حەوتیان دەنگ بە هەدەپە دەدەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

دەزگایەکی ڕاپرسی: لە هەر 10 دەنگدەری كورد حەوتیان دەنگ بە هەدەپە دەدەن

بەكر ئاغردر، سەرۆكی دەزگای ڕاپرسیی كۆندا لە توركیا، ڕای گەیاندووە لە هەر 10 دەنگدەری كورد لە توركیا، حەوتیان دەنگ بە پارتی دیموكراتی گەلان (هەدەپە) دەدەن.

ئاغردر، لە كاتی بەشداریی لە پانێلێكدا لە ئیستەنبۆڵ، هەڵسەنگاندنی بۆ بارودۆخی ناوخۆ و دەرەوەی توركیا، هەروەها باسی گرنگی و پێگەی هەدەپەی كرد بۆ توركیا کردووە.

ءاگردر گوتیشی: "لە هەر 10 دەنگدەری كورد، حەوتیان دەنگ بە هەدەپە دەدەن و ئەمەش پەیوەندیی بەوەوە نییە هەدەپە سیاسەتێكی جوان دەكات، نەخێر پەیوەندیی بە ناسنامەی كوردبوونیانەوە هەیە، بەڵام بابەتەكە ئەوە نییە، بابەتەكە ئەوەیە چۆن توركیایەكی تازە بونیاد بنێین؟ ئەمەش هەدەپە و پارتی باش دیاریی دەكەن".

ئاغردر، باسی لە خراپیی پەیوەندی نێوان رۆژئاوا و رووسیا کرد، هەروەها تیشکی خستە سەر خراپیی پەیوەندیی رۆژئاوا و رۆژهەڵاتی ناوەڕاست، كە هەردوولا شەڕی كولتوور دەكەن و ئەمەش كاریگەریی لەسەر هاووڵاتی هەیە، بەڵام پارتی داد و گەشەپێدان (ئاكەپە)، تەنیا خەباتی بۆ مانەوەی خۆیەیەتی لە دەسەڵات، ئایا لەمەیاندا سەركەوتوو دەبێت؟ بێگومان نەخێر."