تەرمی ژنێكی عێراقی لەسەر سنووری پۆڵۆنیا و بیلارووسیا دۆزرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

تەرمی ژنێكی عێراقی لەسەر سنووری پۆڵۆنیا و بیلارووسیا دۆزرایەوە

بەهۆی سەرماوە گیانی لەدەست داوە

ئەمڕۆ یەكشەممە پۆلیسی بیلارووسیا ئاشكرای كرد تەرمی ژنێكی عێراقی لە ناوچەی گرۆدنینسك لەسەر سنووری پۆڵۆنیا و بیلارووسیا دۆزیوەتەوە، كە بەهۆی سەرماوە گیانی لەدەست داوە.

بەپێی راگەیەندراوێكی دەستەی سنووری حكوومەتی بیلارووسیا، لە ناوچەی گرۆدنینسك، لە گوندی لیسنوییەی سەر سنووری پۆڵۆنیا، تەرمی ژنێكی عێراقی دۆزراوەتەوە، كە شوێنەواری ڕاكێشانی تەرمەكە لە خاكی پۆڵۆنیاوە بۆ ناو خاكی بیلارووسیا لە دەوروبەری تەرمەكە دیار بووە.

دەستەكە رای گەیاندووە نوێنەرانی نەتەوە یەكگرتووەكانیان ئاگەدار كردووەتەوە لێكۆڵینەوە لە تەرمەكە و ناوچەی دەوروبەری تەرمەكە بكەن.

لای خۆیەوە ئەحمەد سەحاف گوتەبێژ بەناوی وەزارەتی دەرەوەی عێراق لەبارەی دۆزینەوەی تەرمەكەوە رای گەیاند كە باڵوێزخانەی عێراق لە مۆسكۆ بەدواداچوون دەكات و لەگەڵ هەردوو وڵاتی پۆڵۆنیا و بیلارووسیا هاوئاهەنگی دەكەن بۆ زانینی وردەكارییەكانی ڕووداوەكە.

هەروەها تۆڕی هەواڵی "رووسیا تودەی" بڵاوی كردەوە كە ژنە عێراقییەكە تەمەنی 39 ساڵ بووە و پێدەچێت بەهۆی سەرماوە لەسەر سنوور گیانی لەدەستدا بێت.