کۆمسیۆن وردەکاری و رۆژی دەنگدانی تایبەت لە هەڵبژاردنی پێشوەختە ئاشکرا دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

کۆمسیۆن وردەکاری و رۆژی دەنگدانی تایبەت لە هەڵبژاردنی پێشوەختە ئاشکرا دەکات

کۆمسیۆنی باڵای سەربەخۆی هەڵبژاردنەکانی عێراق وردەکاری و رۆژی دەنگدانی تایبەت لە هەڵبژاردنی پێشوەختەی پەرلەمانی عێراق دیاری دەکات.

ئەمڕۆ شەممە 18-9-2021، جومانە غولای، گوتەبێژی کۆمسیۆن لەلێدوانێکدا رایگەیاندووە: سەرباز و کارمەندانی هێزە ئەمنییەکان، زیندانییەکان و ئاوارەکان دەنگدانی تایبەت دەیانگرێتەوە و رۆژی 8-10-2021 دەنگ بە کاندیدانی خۆیان لە هەڵبژاردن دەدەن.

جومانە غولای هەروەها رایگەیاندووە: دەنگدانی تایبەت تەنیا لەڕێی کارتی بایۆمەتریی تایبەتەوە دەبێت.

گوتەبێژی کۆمسیۆن لە لێدوانەکەیدا کە بۆ (شەفەق نیوز) داویەتی، ئاماژەی بە ژمارەی وێستگەکانی دەنگدانی تایبەت لە عێراق و هەرێمی کوردستان کردووە و رایگەیاندووە: دوو هەزار و 584 وێستگەی تایبەت لە سەربازگەکان و بنکە ئەمنییەکان بۆ سەرباز و کارمەندانی ئەمنی دەکرێنەوە، (ئەو ژمارەیە هەرێمی کوردستانیش دەگرێتەوە).

هەروەک جومانە غولای رایگەیاندووە: 309 وێستگە بۆ ئاوارەکان دەکرێنەوە و حەوت وێستگەش بۆ زیندانییەکان (ئەوانەی ماوەی زیندانیکردنیان کەمترە لە پێنج ساڵ)، دەکرێنەوە.