ب ڤیدیۆ .. رۆژبین و فەهیمایێ کلیپەکا نۆى بەلاڤ کر
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ب ڤیدیۆ .. رۆژبین و فەهیمایێ کلیپەکا نۆى بەلاڤ کر

رۆژبین کزل و فەهیما، کۆ دوو خۆشکێن ئێک یێن سترانبێژن، دوو کچێن کۆرد ل وەلاتێ ئەلمانیا دژین، دەمەکە د ناڤ هۆنەرێ کۆردى دا کار دکەن و ئەڤرۆ هەردوو کچێن کۆرد نۆترین بەرهەمێ خۆ یێ هۆنەرى بەلاڤ کر.

زانا کزل، کۆ بابێ هەردوو کچێن سترانبێژە داخویانیەکێ دا بۆ(باسنیوز) دیارکر "ئێڤاریا ئەڤرۆ یا رۆژا ئەینى، مە نۆترین بەرهەمێ هۆنەرى یێ هەردوو سترانبێژێن گەنج رۆژبین و فەهیمایێ بەلاڤکرن کۆ کلیپەکا نۆلا یە ب ناڤێ(جانۆ جانۆ) کۆ رۆژبین و فەهیما پێکڤە دبێژن".

بابێ رۆژبین و فەهیمایێ کۆ د هەمان دەمدا دگەل وان کارێن هۆنەرى دکەت ل درۆستکرنا کلپێن هەردوو کچێن خۆ دا ئەو چەندە ژى گۆت: "ئەڤ سترانە دەربرینێ ژ حەژێکرنا کۆر و کچەکێ دکەت، کۆ ژ پەیڤ و ئاوازێن رۆژبینێ بخو بوونە و ژ روویێ وێنەکرنێ فە من وەکە کامیرەمان وێنەکریە و د هەمان دەمدا ل وەلاتێ تۆرکیا هاتیە وێنەکرن و دیارکر: ل دەمێن بهێت دێ هەولدەین کارێن باشتر پێشکێشى هۆنەرێ کۆردى و حەژێکەرێن دەنگێن رۆژبین و فەهیمایێ کەین".

رۆژبین كزل، ژدایكبوویا سالا 1999یه‌، كچه‌ك كوردا خه‌لكا باكورێ كوردستانێ یه‌، ل وه‌لاتێ ئه‌لمانیا ژیانا خۆ ده‌رباز دكه‌ت، ده‌ما پێنج سالا یه‌ هاتیه‌ ناڤا هونه‌رێ كوردی دا و خودانا 14 كلیپا و زێده‌تر ژ 50 سترانێن تۆماركرى یه‌ و دوماهى كلیپا وێ ب ناڤ و نیشانێ (جانۆ جانۆ) یە و وێ و خۆیشکا خۆ یا ب ناڤێ فەهیمایێ پێکڤە گۆتیە و ل کەنالێ وان یێ یوتیوبى هاتیه‌ به‌لاڤكرن.