ماکرۆن کوشتنی سەرکردەی داعش لە ئەفریقیا رادەگەیەنێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ماکرۆن کوشتنی سەرکردەی داعش لە ئەفریقیا رادەگەیەنێت

سەرکۆماری فەرەنسا کوشتنی سەرکردەی رێکخراوی تیرۆریستی داعش لە بیابانی گەورە لە ئەفریقیا، رادەگەیەنێت.

بەرەبەیانی ئەمڕۆ پێنجشەممە 16-9-2021، ئیمانوێڵ ماکرۆن، سەرکۆماری فەرەنسا لە هەژماری تایبەتیی خۆی لە تۆڕی کۆمەڵایەتیی (تویتەر)، کوژرانی عەدنان ئەبو وەلید سەحراوی، سەرکردەی داعش لە بیابانی گەورەی راگەیاندووە.

ئیمانوێڵ ماکرۆن رایگەیاندووە: عەدنان ئەبو وەلید لەسەر دەستی هێزەکانی فەرەنسا کوژراوە و ئەمەش ”سەرکەوتنێکی گەورەیە لە شەڕەکەمان لە دژی گرووپە تیرۆریستییەکان“.

سەرکۆماری فەرەنسا جەختی لەوە کردووەتەوە، وڵاتەکەی لەگەڵ هاوبەشە ئەفریقی، ئەوروپی و ئەمریکییەکانی، بەردەوام دەبێت لە شەڕ دژی گرووپە تیرۆریستییەکان.

بیابانی گەورە کەوتووەتە سێگۆشەی سنووریی نێوان وڵاتانی مالی، نەیجەر و بۆرکینا فاسۆ و هەردوو گرووپی تیرۆریستیی داعش و قاعیدە لەوێ چالاکن و کردەی تیرۆریستی ئەنجام دەدەن.

وێنەیەکی عەدنان ئەبو وەلید و تویتەکەی ماکرۆن