جووتیار عادل چەند زانیارییەکی لەبارەی بە هەمیشەییکردنی فەرمانبەرانی گرێبەست خستە روو
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

جووتیار عادل چەند زانیارییەکی لەبارەی بە هەمیشەییکردنی فەرمانبەرانی گرێبەست خستە روو

 

گوتەبێژی فەرمی حکوومەتی هەرێمی کوردستان ئاشکرایکرد هەموو هەوڵێک بۆ دابینکردنی نەوتی سپی بۆ هاووڵاتییان دەدەن و چەند زانیارییەکیشی لەبارەی بە هەمیشەییکردنی فەرمانبەرانی گرێبەست خستە روو.

جووتیار عادل، گوتەبێژی فەرمی حکوومەتی هەرێمی کوردستان، لە دوای کۆبوونەوەکەی ئەمڕۆی ئەنجوومەنی وەزیران کۆنفرانسێکی رۆژنامەوانی ئەنجامدا و رایگەیاند: "پێویستە هەڵمەتی هەڵبژاردن دووربێت لەناو زڕاندن و هێرشکردنە سەر یەک و دەبێت دامەزراوە حکوومییەکان و دەزگا ئەمنییەکان بێ لایەن بن لە هەڵمەتی هەڵبژاردن".

ئاماژشی بەوەدا، رۆژانە هەرێمی کوردستان پێویستی شەش ملیۆن لیتر بەنزین هەیە و هەموو هەوڵێکیش بۆ کەمکردنەوەی نرخی سووتمەنی و دابینکردنی نەوتی سپی بۆ هاووڵاتییان دەدەن.

سەبارەت بە پرۆژەکانی رێگاوبانەوە ئەوەی خستە روو کە گرنگییەکی زۆر بە پرۆژەکانی رێگاوبان دەدرێت و چەندین پرۆژەی جیاجیاش لەبواری رێگاوبان جێبەجێکراون.

هەروەها لەبارەی بە هەمیشەییکردنی فەرمانبەرانی گرێبەست لە دامودەزگاکان جەختیکردەوە کە لە ئەنجوومەنی وەزیران دیراسەتی ئەو بابەت دەکەن و ئەو بڕیارەی کە لە بەرژەوەندی فەرمانبەرانی گرێبەست بێت دەدرێت، بەڵام ئەوە پێویستی بە دیراسەتێکی زیاترە.