زێده‌تر 200 فلمان گه‌هشتنه‌ دهۆكێ و ڤاڤارتن لسه‌ر دهێته‌ كرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

زێده‌تر 200 فلمان گه‌هشتنه‌ دهۆكێ و ڤاڤارتن لسه‌ر دهێته‌ كرن

 

 

ژڤانه‌ د هه‌یڤا 11 یا ئه‌ڤساله‌ دا، هه‌شته‌مین گه‌را فلمه‌ ڤیسته‌ڤالا دهۆك یا نیڤده‌وله‌تى برێڤه‌ بچیت و ئه‌ڤساله‌ ژ ئه‌گه‌رێ ره‌وشا ئه‌ڤغانستانێ، دێ هژماره‌كا فلمێن وى وه‌لاتى پشكدارى ڤیسته‌ڤالا ناڤبرى بن.

حه‌سه‌ن عارف، به‌رپرسێ راگه‌هاندنا فلمه‌ ڤیسته‌ڤالا دهۆك یا نڤیده‌وله‌تى بۆ (باسنیوز) راگه‌هاند: "ل هه‌یڤا 11 یا ئه‌ڤساله‌ دێ هه‌شته‌مین گه‌را فلمه‌ ڤیسته‌ڤالا دهۆك یا نیڤده‌وله‌تى هێته‌ ئه‌نجامدان و هه‌ر سال سینه‌مایه‌كا وه‌لاته‌كێ بیانى دبیته‌ مێهڤانا ڤێ ڤیسته‌ڤالێ و ژڤانه‌ ژ ئه‌گه‌رێ ره‌وشا نها یا ئه‌ڤغانستانێ، 10 فملێن سینه‌ماى یێن به‌رنیاس و خۆدان ناڤ یێن ئه‌ڤغانى پشكدارى فلمه‌ ڤیسته‌ڤالا دهۆك یا نیڤده‌وله‌تى ببن و ئارمانجا مه‌ ژ پشكداریا فلمێن ئه‌ڤغانى ئه‌و بوویه‌ كۆ ئه‌ڤساله‌ دهێته‌ گۆتن سینه‌مایا ئه‌ڤغانستانێ كه‌فتیه‌ ره‌وشه‌كا مه‌ترسیدار دا، له‌ورا مه‌ فه‌ر دیتیه‌ 10 فلمێن وى وه‌لاتى ل ڤیسته‌ڤالا خۆ دا مێهڤان بكه‌ین".

به‌رپرسێ راگه‌هاندنا فلمه‌ ڤیسته‌ڤالا دهۆك دۆپات ژى كر: "زێده‌تر ژ 200 فلمێن سینه‌ماى بۆ مه‌ هاتنه‌ و نها دا كار ل سه‌ر ڤاڤارتنا وان فلمان دهێته‌ كرن، له‌ورا كاره‌كێ باش یێ دهێته‌ كرن تا كۆ ل ده‌مێ خۆ دا فلمه‌ ڤیسته‌ڤالا دهۆك یا نیڤده‌وله‌تى بهێته‌ ئه‌نجامدان و رێوره‌سمه‌كێ باش دێ بۆ بریچڤه‌ چیت".